«Tady my ŭdarym pa Pieciarburhu». Vajskoŭcy z Polščy i krain Bałtyi abmierkavali vajenny adkaz na mahčymuju rasijskuju ahresiju
Paśla vajny va Ukrainie Rasija moža nakiravać svoj «impieryjalistyčny ekspansijanizm» na Estoniju, Łatviju, Litvu i Polšču, zajaviŭ na kanfierencyi Defending Baltics daradca prezidenta Litvy pa nacyjanalnaj biaśpiecy Kiastucis Budrys.
Pavodle jahonych słoŭ, vierahodnaść takoha scenaryja ŭzraście, kali Biełaruś całkam stanie častkaj tak zvanaj Sajuznaj dziaržavy, piša Bild.
«Ukraina daje nam niekalki hadoŭ času. Kali Rasija pieramoža va Ukrainie, u nas budzie adna rasijskaja dyvizija ŭ Lvovie, adna ŭ Breście i adna ŭ Hrodnie», — zajaviŭ na toj ža kanfierencyi načalnik Hienieralnaha štaba Polščy Rajmund Andžejčak.
Pavodle jahonych słoŭ, kali rasijskija vojski pierasiakuć miažu ź Litvoj, budzie «nieadkładny adkaz».
«Nie ŭ pieršy dzień, a ŭ pieršuju chvilinu. My ŭdarym pa ŭsich stratehičnych abjektach u radyusie 300 kiłamietraŭ. My ŭdarym niepasredna pa Sankt-Pieciarburhu», — zajaviŭ Andžejčak.
Jon upeŭnieny, što jeŭrapiejskija krainy «pavinny ŭziać inicyjatyvu ŭ svaje ruki» i dać Rasii zrazumieć, što napad na Polšču ci krainy Bałtyi budzie pačatkam tatalnaha supraćstajańnia. Andžejčak ličyć, što heta adziny sposab utrymać Kreml ad takoj ahresii.
Z hetaj metaj Polšča ciapier zakuplaje 800 rakiet z dalokaściu da 900 kiłamietraŭ, jakija buduć vykarystany ŭ vypadku napadu Rasii.
«My pavinny być zdolnyja nanieści ŭdar u adkaz adrazu samastojna, nie čakajučy rašeńnia ŭ niekatorych stalicach NATA ab tym, ci varta zadziejničać artykuł piać», — zajaviŭ kamandujučy litoŭskaj armii Rajmundas Vajkšnoras.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary