Хакейнага агента і сына расійскага галоўнага трэнера мінскага «Дынама» Дзмітрыя Квартальнава Мікіту Квартальнава затрымалі ў Мінску, паведамляе «Трыбуна».
Па інфармацыі выдання, Квартальнаў-малодшы правёў у зняволенні ўжо трое сутак.
Тэлеграм-канал «Хоккей без цензуры», паведамляў, што расіянін затрыманы на 10 сутак.
Яго бацька Дзмітрый Квартальнаў па сумяшчальніцтве трэніруе зборную Беларусі па хакеі.
У Мікіты Квартальнава скандальная рэпутацыя ў хакейных колах, яго абвінавачвалі ў брудных метадах працы ў камандах, якімі кіраваў ягоны бацька. Калі ў красавіку 2023 года Дзмітрый Квартальнаў узначаліў «Дынама», Мікіта разгарнуў актыўную дзейнасць і ў Мінску, пераманіўшы частку гульцоў у іншых агентаў. Фактычна ён паспрабаваў узяць пад кантроль усю селекцыю ў «Дынама».
Аднак неўзабаве ён трапіў у гучны скандал. «Дынама» цікавілася якасным па мерках КХЛ брамнікам Адамам Рэйдэборнам, але здзелку сарваў Квартальнаў-малодшы. Ён прапанаваў брамніку перайсці ў «Дынама», але толькі з умовай, што той пакіне свайго агента і стане яго кліентам. Пераход, у выніку, не адбыўся, а на Мікіту Квартальнава нават падалі скаргу кіраўніцтву лігі.
Мікіта не здаўся і працягнуў весці перамовы і наладжваць зносіны з гульцамі нібыта ад імя «Дынама» — хваліўся сувязямі ў мінскім клубе і ўплывам на селекцыю. У выніку дырэктар «Дынама» Арцём Каркоцкі нядаўна ўвогуле забараніў Квартальнаву-малодшаму з'яўляцца ў офісе мінскага «Дынама».
«Ніякага дачынення да селекцыі «Дынама» ён не мае і такімі паўнамоцтвамі не валодае», — заявіў Каркоцкі.
Ён падкрэсліў, што абмяркоўваў гэтае пытанне з Мікітам Квартальнавым ужо некалькі разоў і паабяцаў адправіць скаргу ў КХЛ з просьбай пазбавіць яго статусу агента, калі гісторыя паўторыцца.
Цяпер чытаюць
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27
Каментары
Як разтлумачылі за тыдзень уладару кабака на костках
Шмат цябе у смі і тутака гэта ні Брайтан і ты ні " Гоці"
Як 24 гады таму разтлумачылі за тыдзень чачэнам у Бабруйску завітаўшым да " Белшыны" .