90-гадовы Познер вернецца ў эфір расійскага «Першага канала». Ягоная праграма перастала выходзіць у 2022 годзе
Вядомы тэлевядучы, які старанна пазбягаў выказванняў пра вайну ва Украіне, зноў з'явіцца ў эфіры.
Расійскі вядучы Уладзімір Познер упершыню з пачатку паўнамаштабнай вайны Расіі супраць Украіны вернецца ў эфір расійскага «Першага канала». Ягоная новая праграма будзе называцца «Турэцкі сшытак», піша РБК. Гэта не рэгулярная перадача, а васьмісерыйны фільм, які каманда Познера здымала ў Турцыі на працягу апошніх гадоў.
Познер, які сёлета адзначыў 90-годдзе, вёў сваю праграму на «Першым канале» на працягу 14 сезонаў, браў інтэрв'ю ў вядомых людзей. Апошні выпуск праграмы «Познер» выйшаў 21 лютага 2022 года — за тры дні да пачатку расійскага ўварвання ва Украіну.
Сам Познер старанна пазбягаў прамых каментароў пра вайну. У сакавіку 2023 года ён упершыню выказаўся на гэтую тэму, абмінуўшы ацэнку самой вайны, і паразважаў пра яе прычыны, паўтарыўшы некаторыя з тэзісаў Уладзіміра Пуціна, уключаючы тэму пашырэння НАТА на ўсход і патэнцыйнае ўступленне Украіны ў альянс. Ён таксама заклікаў не называць Пуціна вар'ятам.
«Прычына таго, што Пуцін зрабіў, у прынцыпе, вельмі простая — прасачыць за тым, каб у Украіны не было магчымасці стаць членам НАТА. Ні цяпер, што і так было немагчыма, ні ў будучыні. Наколькі я магу меркаваць, сутнасць справы ў гэтым. Ці згодны я з тым, што ён зрабіў, і з тым, якім шляхам гэта было зроблена, — зусім іншае пытанне. І не мае значэння, з чым я згодны або не згодны — гэта толькі мой асабісты пункт гледжання. Важныя факты», — сказаў тады Познер.
Познер таксама прызнаўся, што атрымліваў прапановы працы ад заходніх тэлеканалаў, але не мог іх прыняць, паколькі ад яго патрабавалася публічна выказацца пра вайну, чаго ён не хоча рабіць.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары