У Оршы дзеці на рыбалцы вылавілі ў рацэ стагадовую ікону з Украіны
Рыбакі зачапілі кручком скрыню, у якой ляжала праваслаўная ікона пачатку XX стагоддзя.
У чэрвені дзеці вылавілі ў рацэ Адроў праваслаўную ікону Успення Прасвятой Багародзіцы пачатку XX стагоддзя.
Хлопцы пайшлі на рыбалку і зачапілі кручком скрыню, у якой ляжала ікона. Дзеці прынеслі знаходку бабулі, а тая аднесла ікону ў Свята-Успенскі жаночы манастыр, піша church.by.
Як ікона апынулася ў рацэ, невядома. На адваротным баку ёсць надпіс на ўкраінскай мове «Дазволена цэнзурай. Кіеў, 15 чэрвеня 1911 года».
Ёсць на малюнку і імя Яўхіма Фясенкі з Адэсы, буйнога друкара і выдаўца праваслаўнай друкаванай прадукцыі мяжы XIX-XX стагоддзяў. Абраз ужо адрэстаўравалі і выставілі ў Ільінскім храме Свята-Успенскага манастыра.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары