Названа лічба збітых украінскіх дронаў у небе над Беларуссю. Яна ўражвае
СПА Беларусі 9 жніўня збіла над Магілёўскай вобласцю 13 беспілотнікаў, якія ляцелі з Украіны. Такую інфармацыю ў эфіры БелТА агучыў намеснік начальніка факультэта Генштаба Ваеннай акадэміі Беларусі Андрэй Багадзель.
Намеснік начальніка факультэта Генеральнага штаба Ваеннай акадэміі Андрэй Багадзель знайшоў дзіўную прычыну для нібыта атакі ўкраінскіх беспілотнікаў па тэрыторыі Беларусі.
«Тыя падзеі, якія адбыліся ў нашай паветранай прасторы — 13 беспілотнікаў, якія былі збітыя непасрэдна над Касцюковічамі, — гэта інфармацыйны пасыл, які павінен быў паказаць Рэспубліку Беларусь у зусім непрывабным выглядзе. Проста паказаць, што Украіна — яна беспакараная», — заявіў Багадзель.
Паводле маніторынгавай групы «Беларускі Гаюн», 9 жніўня 2024 года падчас вылетаў авіяцыі УС РБ ніякіх дронаў выяўлена не было. Таксама не было ніякіх запускаў ракет са знішчальніка СУ-30 або верталёта Мі-24.
«Беларускі Гаюн» робіць выснову, што інфармацыя Лукашэнкі пра збітыя ўкраінскія дроны над Беларуссю «з'яўляюцца звычайнай лухтой».
Менавіта на падставе нібыта збітых дронаў Лукашэнка загадаў узмацніць групоўку беларускай арміі на мяжы з Украінай.
10 жніўня на тэлеканале АНТ з'явілася відэа ад Міністэрства абароны Беларусі з рэшткамі, як сцвярджаецца, збітых украінскіх беспілотнікаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары