У дзень цырымоніі адкрыцця Алімпіяды ў Францыі адбыліся дыверсіі на чыгунцы
«Гэта маштабная атака з мэтай паралізаваць сетку TGV», — заявілі ў Нацыянальным чыгуначным аператары SNCF. У кампаніі заклікалі пасажыраў адкласці свае паездкі і трымацца далей ад вакзалаў.
Сетка высакахуткасных чыгунак Францыі пацярпела ад дыверсій, уключаючы падпалы, якія парушылі працу транспартнай сістэмы за некалькі гадзін да цырымоніі адкрыцця Алімпійскіх гульняў у Парыжы. Пра гэта агенцтву AFP заявілі ў Нацыянальным чыгуначным аператары SNCF у пятніцу, 26 ліпеня, паведамляе Deutsche Welle
«Гэта маштабная атака з мэтай паралізаваць сетку TGV», — заявіла SNCF, дадаўшы, што многія маршруты прыйдзецца адмяніць, а сітуацыя працягнецца «як мінімум усе выходныя, пакуль будуць праводзіцца рамонтныя работы».
«SNCF стаў ахвярай некалькіх адначасовых зламысных дзеянняў на працягу ночы», — адзначаецца ў заяве.
Атакі закранулі Атлантычную, Паўночную і Усходнюю лініі.
Паўднёва-ўсходняя лінія не пацярпела, так як «зламысны акт быў прадухілены. Цягнікі былі перанакіраваны на іншыя шляхі, але нам прыйдзецца адмяніць вялікую іх колькасць», — заявілі ў кампаніі.
Адмена цягнікоў закране каля 800 тысяч пасажыраў. SNCF заклікала пасажыраў адкласці свае паездкі і трымацца далей ад вакзалаў.
Тэракты былі здзейсненыя ў той момант, калі Парыж рыхтуецца да цырымоніі адкрыцця, у якой возьмуць удзел 7500 спартсменаў, 300 000 гледачоў і мноства VIP-персон.
Цырымонія адкрыцця, якое ўпершыню пройдзе ў выглядзе парада лодак на Сене, адбудзецца 26 ліпеня. Пачатак а 20:30 па мінскім часе.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары