Свет22

Залужны: Адзіным выхадам у вайне можа стаць павелічэнне колькасці чалавечых рэсурсаў

Былы галоўнакамандуючы Узброеных сіл Украіны, а цяпер пасол у Вялікабрытаніі Валерый Залужны выступіў на канферэнцыі Каралеўскага аб'яднанага інстытута абаронных даследаванняў RUSI Land Warfare Conference 2024 у Лондане.

Фота: тэлеграм-канал Валерыя Залужнага

Гэта першы публічны выступ Залужнага пасля пачатку працы на новай пасадзе, тэкст прамовы ён апублікаваў у сваім тэлеграм-канале.

Залужны ў прамове заявіў, што дэмакратычныя краіны павінны прачнуцца і вырашыць, як абараніць сваіх грамадзян, а грамадства ў выпадку вайны мусіць адмовіцца ад часткі свабод.

«Вайна — гэта навука. Навука са сваімі законамі, якія неабходна ведаць і вывучаць. Гісторыя вайсковай справы і яе новыя правілы цяпер пішуцца на тэрыторыі Украіны», — сказаў ён.

Залужны мяркуе, што вайна за свабоду ў адной краіне павінна стаць палітыкай выжывання дэмакратыі ў іншых свабодных краінах: «Заўсёды цяжка змагацца з арміяй феадала».

Вайсковец адзначыў, што 24 лютага 2022 года ўкраінцы ўступілі ў жорсткую бітву з адвечным ворагам і дзякуючы жыццям простых украінцаў заваявалі шанец перамагчы. 

«Я абсалютна згодны, што расійска-ўкраінская вайна — гэта яшчэ не вайна будучыні. Гэта ўсяго толькі вайна пераходнага перыяду. Але менавіта наша вайна фармуе новыя правілы», — сказаў ён.

Залужны заявіў, што калі разглядаць тэхналогіі як рэсурсы, то на сённяшні дзень, у сілу розных прычын, ні Украіна, ні Расія не змогуць самастойна авалодаць імі ў бліжэйшы час, таму «адзіным выхадам можа стаць павелічэнне колькасці чалавечых рэсурсаў, задзейнічаных у ваенных дзеяннях».

Ва Украіны не хапае тэхналогій, а ў яе партнёраў на Захадзе няма прыкладнога і практычнага поля для іх праверкі. Таму «толькі разам мы зможам эфектыўна выкарыстоўваць рэсурс, бо час больш не працуе на нас», — рэзюмаваў ён.

*** 

Валерый Залужны быў галоўнакамандуючым УСУ з ліпеня 2021 года. Менавіта на яго лёг асноўны цяжар абароны ў лютым — сакавіку 2022 года, а потым і першыя два контрнаступы.

У лютым 2024 года Уладзімір Зяленскі адправіў яго ў адстаўку, замяніўшы Аляксандрам Сырскім. Перад адстаўкай Залужнага ўкраінскія і заходнія СМІ некалькі месяцаў паведамлялі пра канфлікт Зяленскага з галоўнакамандуючым УСУ.

9 мая Зяленскі прызначыў Залужнага паслом у Вялікабрытаніі.

Каментары2

  • Час за вас
    23.07.2024
    "Час больш не працуе на нас". Чаму? Калі Украіна выстаіць яшчэ некалькі гадоў, абсалютна рэальным сцэнарам можа стаць развал рашкі. Не факт, што новы сматрашчы ў Крамлі будзе такім зацыкленым на знішчэнні суседняй краіны. Дый путлер не вечны, таму час працуе на Украіну.
  • Наша раша
    23.07.2024
    Час за вас, с чего бы это ей вдруг развалиться? Не тешьте себя иллюзиями. В России все спокойно и стабильно. И ждать смерть Путина вы можете еще с десяток лет.

Цяпер чытаюць

Стала вядома, дзе працуе фаварытка Лукашэнкі Уладлена Зайцава6

Стала вядома, дзе працуе фаварытка Лукашэнкі Уладлена Зайцава

Усе навіны →
Усе навіны

Трамп: Расія з пачатку года страціла 112 тысяч салдат, Украіна — 8 тысяч14

Ці праўда, што ўзмацніліся праверкі на беларускай мяжы? Што вядома

У Слуцкім раёне жанчына паскардзілася, што магілу загінулых удзельнікаў вайны ніхто не даглядае. Яе вінавацяць у паклёпе

У Літве знайшлі расіяніна, які ў чэрвені выскачыў з транзітнага цягніка Адлер — Калінінград

Прызналі «экстрэмісцкімі» фэйсбук-старонку і тэлеграм-канал Аляксандра Класкоўскага2

З тыктока знік відэаролік са зваротам бацькоў дашкольнікаў да Лукашэнкі. Як выглядае, нічога яны не дабіліся2

Зяленскі прапанаваў Пуціну перайсці «да ўзроўню размовы лідараў»

Пашыраюцца кібератакі пад выглядам анімэ. З пачатку года ў Беларусі больш за тысячу выпадкаў3

На мяжы затрымалі актывіста з Рэчыцы Алеся Здаравеннава, а ў Мінску ягонага брата Вадзіма

больш чытаных навін
больш лайканых навін

Стала вядома, дзе працуе фаварытка Лукашэнкі Уладлена Зайцава6

Стала вядома, дзе працуе фаварытка Лукашэнкі Уладлена Зайцава

Галоўнае
Усе навіны →

Заўвага:

 

 

 

 

Закрыць Паведаміць