Гутэрыш на сустрэчы з Лукашэнкам гаварыў пра амністыю палітвязняў і правы чалавека
Генеральны сакратар ААН Антоніу Гутэрыш на сустрэчы з Аляксандрам Лукашэнкам у Астане выказаў занепакоенасць сітуацыяй з правамі чалавека ў Беларусі. Пра гэта паведамілі ў прэс-службе генсека. Прэс-служба Лукашэнкі абышлася агульнымі словамі і пра гэта не ўзгадвае.
«Генеральны сакратар выказаў занепакоенасць сітуацыяй з правамі чалавека ў Беларусі. Ён выказаў пажаданне, каб учорашняя амністыя стала крокам да поўнай павагі правоў чалавека і асноўных свабод у Беларусі», — гаворыцца ў паведамленні.
Там адзначаецца, што сустрэча адбылася на просьбу Лукашэнкі.
Прэс-служба Лукашэнкі пра змест гутаркі напісала агульныя словы, адзначыўшы, што Лукашэнка і Гутэрыш гаварылі за зачыненымі дзвярыма, пасля пратакольнай здымкі, ніякіх заяў не рабілі. Там дадалі, што Беларусь «актыўна выступае з трыбуны ААН супраць аднабаковых прымусовых захадаў», а «ў краіне створана нацыянальная архітэктура па выкананні парадку дня ААН у галіне ўстойлівага развіцця на перыяд да 2030 года».
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары