Дзмітрый Гардон атрымаў 14 гадоў калоніі ад расійскага суда — у тым ліку за зварот да беларусаў
Журналісту таксама забаранілі адміністраваць сайты.
Вядомы ўкраінскі журналіст Дзмітрый Гардон атрымаў 14 гадоў калоніі завочна. Такое рашэнне прыняў 2-гі Заходні акруговы вайсковы суд у Расіі.
Гардона судзілі за «заклікі да тэрарызму і распаўсюд ілжывай інфармацыі аб Узброеных Сілах РФ», піша ТАСС.
Прысуд уступіць у сілу альбо пасля затрымання журналіста на тэрыторыі Расіі, альбо пасля яго экстрадыцыі. Першыя тры гады ён павінен будзе правесці ў турме, астатнія 11 — у калоніі агульнага рэжыму. Таксама Гардону забаранілі адміністраваць сайты тэрмінам на тры гады.
Справа была заснаваная на некалькіх роліках Дзмітрыя Гардона — «Гардон звярнуўся да расіян і беларусаў», «Паляванне на Пуціна» і інтэрв'ю з блогерам Веранікай Белацаркоўскай. У адным з відэа журналіст заклікаў прэзідэнта ЗША Джо Байдэна нанесці ядзерны ўдар па Расіі.
Акрамя таго, у абвінаваўчым заключэнні гаворыцца, што Гардон заклікаў забіць Уладзіміра Пуціна і Аляксандра Лукашэнку.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары
Но Путина ведь не судили заочно :) И срок не присуждали. Только ордер выписали. Так что до Раша-клоунады в Гааге не доросли.