Прэмʼер-міністр Арменіі Нікол Пашынян заявіў у парламенце краіны, што наступным лагічным крокам у адносінах з АДКБ стане выхад з арганізацыі. Але адносіны да арганізацыі можна змяніць, калі там не будзе Лукашэнкі.
Раней Пашынян заяўляў, што Ерэван замарозіў свой удзел у АДКБ. 12 чэрвеня ён сказаў у парламенце, што Арменія ў нейкі момант выйдзе з АДКБ і назад не вернецца.
Але калі Аляксандр Лукашэнка выбачыцца перад Арменіяй ці Беларусь выйдзе з арганізацыі, Ерэван можа памяняць сваё стаўленне да АДКБ, заявіў Пашынян.
Пашынян таксама заявіў, што ні ён, ні які-небудзь іншы чыноўнік не наведае Беларусь, пакуль прэзідэнтам там будзе Лукашэнка, праз заявы таго ў Азербайджане.
Ён абвінаваціў былыя ўлады краіны ў тым, што яны ўступілі ў «саюз — мыльную бурбалку», чальцы якога «з Азербайджанам планавалі вайну супраць нас».
«Адзін з кіраўнікоў АДКБ заяўляў, што ўдзельнічаў у падрыхтоўцы 44-дзённай вайны, падтрымліваў, верыў, жадаў перамогі Азербайджана. Пасля гэтага я павінен абмяркоўваць з прэзідэнтам Беларусі пытанні ў фармаце АДКБ?» — сказаў Пашынян.
Армянскі прэмʼер дадаў, што «будзе вымушаны абмяркоўваць з Лукашэнкам пытанні ў фармаце ЕАЭС і СНД».
Раней Пашынян заявіў, што дзве краіны АДКБ дапамагалі ў карабахскім канфлікце Азербайджану.
Беларускія дзяржаўныя СМІ не называюць Карабах Карабахам
Пашынян не застаўся на Парад Перамогі ў Маскве і ноччу пасля сустрэчы з Пуціным паляцеў дадому
Беларускія дзяржаўныя СМІ не называюць Карабах Карабахам
Мінск і Баку сталі гарадамі-пабрацімамі. У Гродна і Гомеля таксама з'явіліся партнёры ў Азербайджане
Лукашэнка хоча забудаваць Нагорны Карабах аграгарадкамі
Арменія саступіць некалькі вёсак Азербайджану, каб прадухіліць новую вайну
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны6
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары