Ігар Случак апублікаваў фота з залепленым вокам. Што здарылася?
Моўны актывіст размясціў у фэйсбуку здымак, дзе яго правае вока залепленае пластырам. Аказалася, што яму зрабілі аперацыю.
Случак расказаў «Нашай Ніве», што ён перанёс дзве аперацыі на вачах: месяц таму прааперыравалі яго левае вока, а сёння — правае. Гэта планавае лекаванне хваробы, якая пачалася ў мужчыны ў Беларусі:
«Яшчэ ў 2021-м у мяне спачатку на адным, а потым на другім воку з’явіліся новаўтварэнні. Гэта не надта вялікая праблема, але яна псавалі жыццё, бо ўтварэнні гнаіліся, пухлі, калі іх не выдаляць, яны маглі пачаць псаваць зрок, ды і гэта проста не вельмі прыгожа».
Дыягназ Ігара — халязіён, то-бок хранічнае запаленне края павека.
З лета 2021-га Случак і яго сям’я стараліся не прыцягваць да сябе ўвагі ў Беларусі, часта мянялі месцы жыхарства. Спачатку мужчына пару разоў звяртаўся да медыкаў пад чужым прозвішчам, але калі даведаўся дыягназ, усвядоміў, што вылячыць вочы будзе складана.
«У Літве ты можаш запісацца, зрабіць усё за паўгадзіны ў паліклініцы і пайсці дахаты. А ў Беларусі ты павінен спачатку здаць флюараграфію, аналізы, наведаць шмат розных лекараў. Мы не маглі сабе такое дазволіць, бо кожны лішні кантакт — гэта дадатковая пагроза.
Таму калі павека запалялася, я браў свой швейцарскі сцізорык, прапальваў лязо, станавіўся да люстэрка і выпускаў з прыпухласці гной. Ніякага абязбольвання не было, я і не ўмею яго рабіць. Ды і гэта можна пацярпець, асабліва калі ты можаш патрапіць у рукі нашых апанентаў», — згадвае актывіст.
Пасля пераезду ў Літву Ігар звярнуўся да лекара — яму выдалілі ўтварэнне спачатку на адным воку, а потым і на другім. Расказвае, што сама аперацыя доўжылася некалькі хвілін, а павязку яму можна зняць ужо праз некалькі гадзін пасля яе.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам25
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары