Ihar Słučak apublikavaŭ fota z zaleplenym vokam. Što zdaryłasia?
Moŭny aktyvist raźmiaściŭ u fejsbuku zdymak, dzie jaho pravaje voka zaleplenaje płastyram. Akazałasia, što jamu zrabili apieracyju.
Słučak raskazaŭ «Našaj Nivie», što jon pieranios dźvie apieracyi na vačach: miesiac tamu praapieryravali jaho levaje voka, a siońnia — pravaje. Heta płanavaje lekavańnie chvaroby, jakaja pačałasia ŭ mužčyny ŭ Biełarusi:
«Jašče ŭ 2021-m u mianie spačatku na adnym, a potym na druhim voku źjavilisia novaŭtvareńni. Heta nie nadta vialikaja prablema, ale jana psavali žyćcio, bo ŭtvareńni hnailisia, puchli, kali ich nie vydalać, jany mahli pačać psavać zrok, dy i heta prosta nie vielmi pryhoža».
Dyjahnaz Ihara — chalazijon, to-bok chraničnaje zapaleńnie kraja pavieka.
Ź leta 2021-ha Słučak i jaho siamja staralisia nie pryciahvać da siabie ŭvahi ŭ Biełarusi, časta mianiali miescy žycharstva. Spačatku mužčyna paru razoŭ źviartaŭsia da miedykaŭ pad čužym proźviščam, ale kali daviedaŭsia dyjahnaz, uśviadomiŭ, što vylačyć vočy budzie składana.
«U Litvie ty možaš zapisacca, zrabić usio za paŭhadziny ŭ paliklinicy i pajści dachaty. A ŭ Biełarusi ty pavinien spačatku zdać fluarahrafiju, analizy, naviedać šmat roznych lekaraŭ. My nie mahli sabie takoje dazvolić, bo kožny lišni kantakt — heta dadatkovaja pahroza.
Tamu kali pavieka zapalałasia, ja braŭ svoj šviejcarski ścizoryk, prapalvaŭ lazo, stanaviŭsia da lusterka i vypuskaŭ z prypuchłaści hnoj. Nijakaha abiazbolvańnia nie było, ja i nie ŭmieju jaho rabić. Dy i heta možna paciarpieć, asabliva kali ty možaš patrapić u ruki našych apanientaŭ», — zhadvaje aktyvist.
Paśla pierajezdu ŭ Litvu Ihar źviarnuŭsia da lekara — jamu vydalili ŭtvareńnie spačatku na adnym voku, a potym i na druhim. Raskazvaje, što sama apieracyja doŭžyłasia niekalki chvilin, a paviazku jamu možna źniać užo praź niekalki hadzin paśla jaje.
«Naša Niva» — bastyjon biełaruščyny
PADTRYMAĆCiapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary