Праязны дакумент для іншаземцаў у Польшчы неўзабаве могуць выдаваць на тры гады
Цэнтр беларускай салідарнасці ў Варшаве паведаміў, што ў справе павелічэння тэрміну дзеяння польскіх праязных дакументаў для іншаземцаў (гэта актуальна найперш для беларусаў, якія маюць пратэрмінаваныя пашпарты ці тэрмін якіх набліжаецца да заканчэння) дасягнуты істотны прагрэс.
Кіраўніца аддзела прававой абароны ЦБС Вольга Дабравольская раней звярнулася да польскай сенатаркі Евы Калішук з просьбай дапамагчы ў вырашэнні шэрагу цяжкіх пытанняў, з якімі сутыкаюцца беларусы ў Польшчы: легалізацыя нованароджаных дзяцей, кароткі тэрмін дзеяння польскага праязнога дакумента, цяжкасці з атрыманнем віз і доўгі тэрмін разгляду заяў на атрыманне дазволу на жыхарства.
Сенатарка Ева Калішук разам з кіраўніцай польскага Сената Малгажатай Кідавай-Блонскай звярнулася з адпаведнай заявай да міністра ўнутраных спраў і адміністрацыі Польшчы Марціна Кервінскага. Адтуль атрыманы адказ, што
праца па працягванні тэрміну дзеяння польскага праязнога дакумента ўжо пачалася. З вялікай доляй верагоднасці гэты дакумент будуць выдаваць на 3 гады, а не на 1, як гэта ёсць цяпер.
Таксама Міністэрства шукае рашэнне, якое б дазволіла беларусам спрасціць працэдуру легалізацыі дзяцей у Польшчы.
У сакавіку па пытанні легалізацыі беларусаў з намеснікам міністра ўнутраных спраў Польшчы Мацеем Душчыкам сустракаліся таксама намеснікі кіраўніцы Аб'яднага пераходнага кабінета Павел Латушка і Валер Кавалеўскі. Сярод пытанняў яны абмяркоўвалі і павелічэнне да 3 гадоў тэрміну дзеяння польскага праязнога дакумента.
Кавалеўскі адказаў на восем гарачых пытанняў пра пашпарт Новай Беларусі
Вызваленне з турмы ў Славеніі, шлюбы ў Швецыі, падтрымка ў Ізраілі. Як народныя амбасады дапамагаюць беларусам
У Польшчы рыхтуюць змены ў Закон аб замежніках. Яны закрануць атрыманне ДНЖ і Blue Card
Першыя беларусы ўжо атрымалі літоўскія гуманітарныя ДНЖ на 3 гады
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў27
Каментары