Першая беларуская анлайн-школа ва Украіне пачала набор на новы навучальны год
Пра набор на новы навучальны год у Першую беларускую анлайн-школу ва Украіне паведаміла на сваёй старонцы ў сацсетках заснавальніца інстытуцыі, актрыса, музыка, лідар гурта Naka Анастасія Шпакоўская, піша Reform.news.
Культурніцкая дзеячка падзялілася вынікамі працы анлайн-школы за чатыры гады існавання.
«Агулам за чатыры гады працы наша школа дапамагла 217 дзецям з Беларусі у часовай ці пастаяннай магчымасці атрымліваць адукацыю. За час навучання мы здзейснілі тры выпускі навучэнцаў, агулам выдаўшы 42 атэстаты аб базавай адукацыі і 12 аб сярэдняй дзяржаўнага ўзору Украіны», — падзялілася яна.
У школе вучацца беларускія дзеці з 12 краін: Беларусі, Расіі, Польшчы, Літвы, Паўночнай Македоніі, Грузіі, Нямеччыны, Кіпра, Турцыі, Партугаліі, ААЭ і Чарнагорыі. Таксама яна робіць курсы для беларусаў па суботах анлайн, дзе можна далучыцца да беларускай мовы і літаратуры.
Анастасія Шпакоўская падкрэсліла, што інстытуцыя пад яе кіраўніцтвам — адзіная анлайн-школа, якая дае магчымасць вывучаць прадметы беларускага вектара і атрымаць атэстат дзяржаўнага ўзору Украіны.
Першая беларуская анлайн-школа ва Украіне была заснавана ў 2020 годзе. Яна прапаноўвае анлайн адукацыю для вучняў 4-10 класаў. У праграме навучання — беларуская мова і літаратура, паглыбленае вывучэнне англійскай мовы, асновы IT; асноўныя прадметы выкладаюцца па-руску. Сярод выкладчыкаў школы сёння: Рэгіна Часноўская, Васіль Дранько-Майсюк, Алена Каданова, Раман Калугін, Яўгенія Вашчылка ды іншыя адмыслоўцы. Таксама школа прапаноўвае курсы па беларускай мове, літаратуры і гісторыі Беларусі для дзяцей з 10 да 16 гадоў.
Падрабязней пра інстытуцыю — тут.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары