Pieršaja biełaruskaja anłajn-škoła va Ukrainie pačała nabor na novy navučalny hod
Pra nabor na novy navučalny hod u Pieršuju biełaruskuju anłajn-škołu va Ukrainie paviedamiła na svajoj staroncy ŭ sacsietkach zasnavalnica instytucyi, aktrysa, muzyka, lidar hurta Naka Anastasija Špakoŭskaja, piša Reform.news.
Kulturnickaja dziejačka padzialiłasia vynikami pracy anłajn-škoły za čatyry hady isnavańnia.
«Ahułam za čatyry hady pracy naša škoła dapamahła 217 dzieciam ź Biełarusi u časovaj ci pastajannaj mahčymaści atrymlivać adukacyju. Za čas navučańnia my ździejśnili try vypuski navučencaŭ, ahułam vydaŭšy 42 atestaty ab bazavaj adukacyi i 12 ab siaredniaj dziaržaŭnaha ŭzoru Ukrainy», — padzialiłasia jana.
U škole vučacca biełaruskija dzieci z 12 krain: Biełarusi, Rasii, Polščy, Litvy, Paŭnočnaj Makiedonii, Hruzii, Niamieččyny, Kipra, Turcyi, Partuhalii, AAE i Čarnahoryi. Taksama jana robić kursy dla biełarusaŭ pa subotach anłajn, dzie možna dałučycca da biełaruskaj movy i litaratury.
Anastasija Špakoŭskaja padkreśliła, što instytucyja pad jaje kiraŭnictvam — adzinaja anłajn-škoła, jakaja daje mahčymaść vyvučać pradmiety biełaruskaha viektara i atrymać atestat dziaržaŭnaha ŭzoru Ukrainy.
Pieršaja biełaruskaja anłajn-škoła va Ukrainie była zasnavana ŭ 2020 hodzie. Jana prapanoŭvaje anłajn adukacyju dla vučniaŭ 4-10 kłasaŭ. U prahramie navučańnia — biełaruskaja mova i litaratura, pahłyblenaje vyvučeńnie anhlijskaj movy, asnovy IT; asnoŭnyja pradmiety vykładajucca pa-rusku. Siarod vykładčykaŭ škoły siońnia: Rehina Časnoŭskaja, Vasil Drańko-Majsiuk, Alena Kadanova, Raman Kałuhin, Jaŭhienija Vaščyłka dy inšyja admysłoŭcy. Taksama škoła prapanoŭvaje kursy pa biełaruskaj movie, litaratury i historyi Biełarusi dla dziaciej z 10 da 16 hadoŭ.
Padrabiaźniej pra instytucyju — tut.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary