Сярод даносаў у КДБ знайшоўся ліст ад «Байпола». Даведаліся, пра што ён быў
У спісе з 40 тысячаў зваротаў, адпраўленых праз сайт КДБ, ёсць і ліст ад «Байпола». У ім байполаўцы пішуць, што адшукалі нейкі дакумент у інтэрнэце і прапануюць кадэбістам правесці праверку. Даведаліся, што за дакумент.
«Байпол» пісаў зварот у КДБ 20 снежня 2020 года. Тэкст яго быў такі:
«Добры дзень, калегі! Высылаем дакумент з грыфам, выяўлены ў сетцы Інтэрнэт. Накіроўваем для правядзення праверкі і дачы прававой ацэнкі. З павагай, каманда BYPOL».
Кіраўнік «Байпол» Аляксандр Азараў расказаў нам, што было ў далучаным дакуменце. Ён кажа, што гэта была інфармацыйна-псіхалагічная спецаперацыя:
«Станіслаў Лупаносаў вынес з сервераў ГУУС дакументы. Сярод іх быў адзін з дакументаў з грыфам «сакрэтна», у якім былі асабістыя звесткі супрацоўнікаў, якія вельмі актыўна падтрымлівалі рэжым. Гэта было заданне на правядзенне аператыўна-вышуковага мерапрыемства датычна грамадзяніна Беларусі.
Супрацоўнікі закінулі дакумент з грыфам у агульную сетку ГУУС, а гэта значнае парушэнне. У выніку яны атрымалі спагнанні».
«Наша Нiва» — бастыён беларушчыны
ПАДТРЫМАЦЬЦяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні33
Каментары