Столтэнберг: Нельга дапусціць залежнасці ад Кітая, як гэта раней было з Расіяй
Генеральны сакратар НАТА таксама кажа, Кітай павінен спыніць падтрымку Расіі ў вайне супраць Украіны, калі хоча мець добрыя адносіны з Захадам.
Генеральны сакратар НАТА Енс Столтэнберг заявіў, што Захад не павінен дапусціць траплення ў залежнасць ад кітайскіх рэсурсаў, як гэта раней было з расійскімі нафтай і газам, ён таксама падкрэсліў, што Кітай павінен спыніць падтрымку РФ у вайне супраць Украіны, калі хоча мець добрыя адносіны з Захадам, піша «Еўрапейская праўда».
Столтэнберг кажа, што Расія крытычна мае патрэбу ў падтрымцы Кітая, які падсілкоўвае яе ваенна-прамысловы комплекс, пастаўляючы высокатэхналагічныя тавары, у прыватнасці, паўправаднікі.
«У мінулым годзе Расія імпартавала з Кітая 90% сваёй мікраэлектронікі, якая выкарыстоўваецца для вытворчасці ракет, танкаў і самалётаў. Кітай таксама працуе над тым, каб даць Расіі палепшаныя спадарожнікавыя магчымасці і здымкі», — кажа ён.
Ён таксама нагадаў, што Кітай заяўляў аб жаданні мець добрыя адносіны з Захадам.
Са слоў Столтэнберга, немагчыма «мець і тое, і іншае»: падсілкоўваць расійскую вайну і мець добрыя стасункі з Захадам.
Генеральны сакратар NATO таксама перасцярог заходніх саюзнікаў ад траплення ў такую ж залежнасць ад Кітая, як і ад Расіі.
«У мінулым мы здзейснілі памылку, патрапіўшы ў залежнасць ад расійскіх нафты і газу. Мы не павінны паўтараць гэтую памылку з Кітаем. Залежнасць ад яго грошай, сыравіны, тэхналогій робіць нас уразлівымі», — падкрэсліў Столтэнберг.
-
«Каб увесь свет гаварыў па-руску, вывучайце аўтамат Калашнікава». У Расіі ўдзельнік вайны даў наказ школьнікамі 1 верасня
-
Праз 30 гадоў суд назваў вінаватага ў забойстве Тупака Шакура — аднаго з самых уплывовых рэпераў у гісторыі
-
Латвія з 1 верасня забараніла адусюль увоз беларускіх кніг, адзення і цацак
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага19
Каментары
Надеюсь что путен произвел фальстарт и что запад успеет назад индустриализоваться и вооружится,потому что настоящий прогрессивный глобализм может быть только при сильном западе,иначе погибель,потому что их всех слишком много.