Па даносе чат-рулетчыка з Расіі яшчэ двух беларусаў затрымалі за каментары пра «Крокус». Аднаго з іх моцна збілі
«А маглі і прыстрэліць», — пішуць губазікаўцы.
Падчас стрыму ў чат-рулетцы з расійскім блогерам-даносчыкам з нікнэймам «Палыч», які выдаў сябе за ўкраінца, беларус выказаўся пра ахвяр у «Крокусе». Ён сядзеў з сябрам на фоне нацысцкага сцяжка, абодва, выглядае, былі моцна нападпітку, дэманстравалі таксама нацысцкае прывітанне. На пытанне, што яны адзначаюць (яны пілі гарэлку з вялікай бутэлькі), яны адказалі: «Тэракт у «Крокус Сіці Холе».
Сёння мужчын затрымалі. Аднаго з іх вельмі моцна збілі — акрамя апухлага твару, з ягонага рота цякла кроў.
«У гэты раз абышліся без вуха, але ёсць нюанс», — так здзекліва жартуе з гэтай нагоды канал «Беларускі сілавік».
Сілавікі паказваюць, што ў аднаго з затрыманых, акрамя ўкраінскай сімволікі, адшукалі яшчэ неанацысцкую — сцягі са свастыкай, кнігі на тэму Трэцяга рэйха і фанацкія налепкі.
«Наша Нiва» — бастыён беларушчыны
ПАДТРЫМАЦЬ-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
-
Качанава абмеркавала са спікерам парламента Азербайжана сітуацыю на Блізкім Усходзе і ўдар па Нахічэвані
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads10
Каментары
- тыя, хто пад газам нешта гаворыу (хай i непрымальнае) ды дэманстравау нацысцкiя сцяжкi
- альбо тыя г.з. лукашысцкiя "супрацоунiкi праваахоуных органау", якiя збiлi людзей да непазнавальнасцi ды жартавалi з катаваннях, якiя рабiлi пуцiнскiя апрычнiкi, якiя нiчым не лепей за тэрарыcтау з крокуса?
Дарэчы, канал "Беларускі сілавік" добра вядомы (праз узгадванне у ролiках Майкла Накi) падтрымкай Z-агрэсii, якую расея здейснiла супраць Украiны, i ваенных злачынствау, якiя расейкiя акупанты систэмна здейсняюць пад час гэтай вайны.