«Мы будавалі, будавалі і, нарэшце, пабудавалі — «Былы сын» выходзіць па-беларуску ў выдавецтве «Гутэнберг»!!!», — напісаў пісьменнік у сваім фэйсбуку.
«Былы сын» — першая кніга Сашы Філіпенкі, якая выйшла ў 2014 годзе па-руску.
Галоўны герой рамана, падлетак Францыск ці проста Цыск, які трапіў у кому ў выніку масавай цісканіны на Нямізе ў маі 1999 года, прыходзіць у сябе праз дзесяць гадоў. І як высвятляецца, краіна ўсе гэтыя дзесяць гадоў таксама правяла ў коме.
Кніга была перакладзеная на дзясятак моваў, але па-беларуску яе не было.
Па-беларуску выйдзе таксама «Крэмулятар»
***
Саша Філіпенка — таксама аўтар кніг «Крэмулятар», «Чырвоны Крыж», «Вяртанне ў астрог», «Цкаванне». Гэтыя раманы таксама перакладзеныя на многія мовы.
З 2004 да 2020 года Філіпенка жыў у Расіі, дзе працаваў у незалежных СМІ. Саша рэзка крытыкаваў і раней і цяпер улады Беларусі і Расіі, браў удзел у пратэстах у жніўні 2020 года ў Мінску.
Улетку 2023 года ў Вільні была пастаўлена яго п'еса «Ціхары» пра падзеі ў Беларусі ў 2030 годзе. Па сюжэце настаў апакаліпсіс, але нават ён не спыніў палітычных судоў, якія праводзяць у бункеры.
У студзені 2024 года ў Маскве спектакль па яго п'есе быў адменены.
У Беларусі супраць Сашы Філіпенкі заведзена крымінальная справа.
«Паверыў прапагандзе і палічыў, што я здраднік». Саша Філіпенка расказаў, што на яго напісаў данос ягоны ж дзед
На Сашу Філіпенку завялі крымінальную справу
Саша Філіпенка: Ці магчыма ўвогуле, каб усё вярнулася, стала як раней?
«Крэмулятар» Сашы Філіпенкі атрымаў прэстыжную літаратурную прэмію
Пісьменнік Саша Філіпенка распавёў пра цяперашні стан бацькі і падрабязнасці яго затрымання
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары