Расія рыхтуецца да новага буйнога наступу ўздоўж усёй лініі фронту, піша брытанскае выданне The Economist.
У артыкуле аўтары адзначаюць, што вясна прынесла на фронт некаторае прыпыненне баявых дзеянняў з-за немагчымасці тэхнікі прасоўвацца па вільготнай зямлі, пераказвае асноўнае «Украінская праўда».
«Але гэта не будзе доўжыцца доўга. З пераходам вясны ў лета ёсць асцярогі, што Расія пачне новы вялікі наступ, як гэта было летась. І няма ўпэўненасці, што Украіна здольная стрымаць яго гэтым разам. Менавіта таму ёй неабходна тэрмінова мабілізаваць больш войскаў і пабудаваць больш надзейную абарону на лініі фронту», — гаворыцца ў матэрыяле.
Аўтары таксама пішуць, што прамаруджванне з рашэннем перадачы неабходнай ваеннай дапамогі з боку ЗША і Еўропы ўяўляе рызыкі, паколькі Расія «можа прарваць недастатковыя абарончыя лініі Украіны».
«Аднак Украіна не можа проста вінаваціць сваіх хаўруснікаў. Яна таксама дапусціла памылкі. Адной з іх з'яўляецца яе правал у пытанні чалавечай сілы. Расія рыхтуецца да чарговай хвалі мабілізацыі з мэтай наступнага вялікага наступу. Тэрарыстычны напад на маскоўскую канцэртную залу 22 сакавіка можа напраўду палегчыць гэтую задачу для Уладзіміра Пуціна, які выкарыстоўвае яе для таго, каб заявіць, што Расія павінна быць моцнай перад тварам крыважэрных ворагаў», — пішацца ў артыкуле.
Адзначаецца, што Украіна «вельмі спазнілася з умацаваннем уласных абарончых пазіцый», а «ўрад усё яшчэ марыць аб новым контрнаступленні і баіцца думкі, што цяперашняя лінія фронту можа ператварыцца ў нешта накшталт мяжы».
«Думка пра тое, што гэтая лінія можа стаць асновай для будучых мірных перамоваў, — гэта менавіта тое, чаго спадар Зяленскі хацеў бы пазбегнуць. Але небяспека цяпер настолькі вялікая, што гэта найменш дрэнны варыянт», — піша The Economist.
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць31
Каментары
Толькі не факт, што яна здолее праглынуць настолькі буйны...