У Расіі за суткі мінімум 15 крымінальных спраў завялі па артыкуле аб «перашкодзе працы выбарчых камісій»
Крымінальныя справы заводзілі ў сувязі з тым, што грамадзяне спрабавалі ўчыніць пажары на выбарчых участках з выкарыстаннем кактэйляў Молатава, а таксама заліць урны з бюлетэнямі зялёнкай, ёдам і чарнілам.
Усяго СК даў справаздачу як мінімум аб 15 крымінальных справах, падлічыла «Новая Еўропа».
Дзве крымінальныя справы былі заведзены ў Маскве, тры — у Варонежскай вобласці, а таксама па адной — у Санкт-Пецярбургу, Вялікім Ноўгарадзе, Іванаве, Растоўскай і Валгаградскай абласцях, Краснадарскім і Краснаярскім краях, Ханты-Мансійскай акрузе і Карачаева-Чаркесіі, а таксама ў анексаваным Крыме.
Напярэдадні «Вёрстка» са спасылкай на крыніцы паведаміла, што выбаркамы не плануюць адмяняць вынікі выбараў на ўчастках з залітымі зялёнкай бюлетэнямі.
Па словах суразмоўцаў выдання, «бюлетэні, у якіх з-за зялёнкі нельга выявіць волевыяўленне», будуць «прызнаныя несапраўднымі», «а астатнія нармальна палічаць. На ўстанаўленне вынікаў галасавання гэта ніяк не паўплывае».
На выбарах прэзідэнта Расіі ўжо прагаласавала больш за траціну чалавек
У Расіі пачаліся выбары прэзідэнта. Вось што трэба пра іх ведаць
Чарговая правакацыя сілавікоў: яны аб'явілі, што ў сувязі з выбарамі ў Расіі Ціханоўская ўводзіць план «Перамога»
Як пройдуць прэзідэнцкія выбары? Журналісты даведаліся версію Крамля
Цяпер чытаюць
Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных3
Каментары