Былы вядучы беларускага тэлебачання, які сышоў адтуль у 2020 годзе, апублікаваў пост у інстаграме. У ім ён распавёў, як любіць Мінск, Беларусь, беларусаў, гэта ягоны дом, і ён нікому не здраджваў. Верагодна, гэта ягоны адказ прапагандыстам, якія накінуліся на крамы «Міла» за рэкламу з Перліным. У выніку рэкламу прыбралі.
«Я заўсёды глядзеў і гляджу на Мінск закаханымі вачыма. Гэта мой горад. <…> Гэта горад, які даў мне ўсё, і я аддаў яму, што мог. Столькі праектаў мы запусцілі, столькі прыгажосці паказалі ў вячэрнім шоу на ТБ, у рамках Еўрабачання і розных спартыўных турніраў.
У гэтым горадзе жывуць мае блізкія і сямʼя. Тут жывуць мае настаўнікі, які паўплывалі на мой шлях. Тут працуюць выдатныя лекары, якія заўсёды дапамагаюць на вышэйшым узроўні. Тут так шмат таленавітых маладых людзей — са свету творчасці і наогул розных прафесій. Я іх запрашаў у свае тэлепраекты і па гэты дзень паказваю ў сваіх сацсетках. У іх — энергія, крэатыў і тая самая іскра, якая стварае», — піша Перлін.
Ён дадае, што яго сёння асабліва натхняе, калі ён бачыць новыя праекты: «Калі хто-небудзь знаходзіць сілы, падтрымку і энергію, каб даць яшчэ больш жыцця Мінску і паказаць, як тут крута, душэўна і цёпла».
«Тыя, хто жыве ў Беларусі, хочуць толькі лепшага для свайго дома, сямʼі і краіны. І я ў тым ліку. Так было заўсёды, не спрабуйце падмяніць паняцці — нікому я не здраджваў. Заўсёды верыў у нашых людзей. Мы з усім справімся! Галоўнае, не быць абыякавым. Беларусь — Наш дом. І іншага ў нас няма», — піша ён.
Перлін быў вядучым на БТ, сышоў адтуль у 2020-м. Цяпер вядзе вяселлі і карпаратывы.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары