На рынку Валяр'янава з'явіліся памідоры па 130 рублёў за кіло. Адкуль яны такія?
Блогер «Мерзкий Кокобай» выклаў фота агародніннага латка з мінскага рынку Валяр'янава. На ім выяўленыя памідоры, цэннік на якія проста палохае: 130 рублёў за кілаграм. Пры гэтым звычайныя памідоры ў супермаркеце прадаюцца прыкладна па 10 рублёў за кілаграм. Што гэта за плады і чаму на іх такая вялікая цана, паспрабаваў даведацца Blizko.by.
На цэнніку напісана, што гэта памідоры сорту «Черы мядовае» з Іспаніі. Таксама на пладзе бачныя ярлычкі са словамі Looye Honig Tomaten» (мядовыя памідоры Looye). Па такіх словах у інтэрнэце знаходзіцца кампанія Looye Kwekers, прадстаўніцтвы якой размешчаныя ў двух гарадах: Налдвейк і Бургервеен. Але абодва яны знаходзяцца не ў Іспаніі, а ў Нідэрландах.
Адносна гэтых самых памідораў сайт вытворцы паведамляе:
«Толькі ад 20 да 25% нашых прадуктаў заслугоўваюць ганаровага звання мядовых памідораў Looye. Па цвёрдым прыкусе вы можаце вызначыць, наколькі свежы мядовы памідор Looye. І тады пачынаецца сімфонія смакавых складнікаў у роце: спачатку цудоўная свежасць, за якой стаіць пяшчотная мядовая слодыч, якой духмяны памідор абавязаны сваёй назвай. І, нарэшце, вы адчуеце далікатную кіслінку, якая толькі дапаўняе ігру інтэнсіўных смакавых нот у роце».
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект15
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары