Якія беларусы часцей за ўсё з'яўляюцца на старонках «НН» — рэйтынг
Лукашэнка, Ціханоўская і Каліноўскі ў лідарах.
На сайце «Нашай Нівы» штодня з'яўляюцца дзясяткі інфармацыйных матэрыялаў на самыя розныя тэмы. Хто з беларусаў сустракаецца ў іх найчасцей?
Мы падлічылі колькасць згадак таго ці іншага прозвішча ў розных склонах, сплюсавалі беларускую і рускую версію. Атрымаліся цікавыя вынікі.
Варта адзначыць, што раней колькасць навінаў на сайце была меншая, цяпер значна павялічылася. Таму героі 2010-х і тым больш 2020-х у больш выйгрышным становішчы.
Яшчэ адзін фактар — часам прозвішчы вядомых людзей супадаюць. Напрыклад, пісьменнік Уладзімір Караткевіч і палітык Таццяна Караткевіч ідуць у нас разам, бо сістэма не можа аўтаматам раскідаць іх па розных катэгорыях. А вось Святлана Ціханоўская і Сяргей Ціханоўскі за кошт розных канчаткаў у прозвішчах лічыліся асобна.
Праблема і са сваякамі. Лукашэнка — гэта не адзін чалавек, а ўся яго сям'я. Гэтаксама і з Бабарыкам, сплюсаваныя і Віктар, і яго сын Эдуард.
Адзначым і высокае месца Кастуся Каліноўскага. «Наша Ніва» пісала і пра яго самога, але часта згадваўся Полк Каліноўскага, названы ў гонар героя.
Якія беларусы згадваюцца на сайце «НН» часцей за ўсё?
- Лукашэнка — 162 тысячы згадак
- Ціханоўская — 19 тысяч
- Каліноўскі — 11 тысяч
- Статкевіч — 10 тысяч
- Макей — 9500
- Бабарыка — 9100
- Някляеў — 8100
- Мілінкевіч — 8000
- Караткевіч — 7800
- Колас — 7300
- Быкаў — 7000
- Лябедзька — 6200
- Пазняк — 6100
- Алексіевіч — 6000
- Бяляцкі — 6000
Сярод замежнікаў лідзіруюць Пуцін (44 тысячы) і Зяленскі (10 тысяч). Пасля ідуць Парашэнка і Меркель (па 5 тысяч).
Што за 17-гадовы стартапер, які выліў цэбар хлусні на Лібера на радасць беларускім спецслужбам7
Каментары