Jakija biełarusy čaściej za ŭsio źjaŭlajucca na staronkach «NN» — rejtynh
Łukašenka, Cichanoŭskaja i Kalinoŭski ŭ lidarach.
Na sajcie «Našaj Nivy» štodnia źjaŭlajucca dziasiatki infarmacyjnych materyjałaŭ na samyja roznyja temy. Chto ź biełarusaŭ sustrakajecca ŭ ich najčaściej?
My padličyli kolkaść zhadak taho ci inšaha proźvišča ŭ roznych skłonach, splusavali biełaruskuju i ruskuju viersiju. Atrymalisia cikavyja vyniki.
Varta adznačyć, što raniej kolkaść navinaŭ na sajcie była mienšaja, ciapier značna pavialičyłasia. Tamu hieroi 2010-ch i tym bolš 2020-ch u bolš vyjhryšnym stanoviščy.
Jašče adzin faktar — časam proźviščy viadomych ludziej supadajuć. Naprykład, piśmieńnik Uładzimir Karatkievič i palityk Taćciana Karatkievič iduć u nas razam, bo sistema nie moža aŭtamatam raskidać ich pa roznych katehoryjach. A voś Śviatłana Cichanoŭskaja i Siarhiej Cichanoŭski za košt roznych kančatkaŭ u proźviščach ličylisia asobna.
Prablema i sa svajakami. Łukašenka — heta nie adzin čałaviek, a ŭsia jaho siamja. Hetaksama i z Babarykam, splusavanyja i Viktar, i jaho syn Eduard.
Adznačym i vysokaje miesca Kastusia Kalinoŭskaha. «Naša Niva» pisała i pra jaho samoha, ale časta zhadvaŭsia Połk Kalinoŭskaha, nazvany ŭ honar hieroja.
Jakija biełarusy zhadvajucca na sajcie «NN» čaściej za ŭsio?
- Łukašenka — 162 tysiačy zhadak
- Cichanoŭskaja — 19 tysiač
- Kalinoŭski — 11 tysiač
- Statkievič — 10 tysiač
- Makiej — 9500
- Babaryka — 9100
- Niaklajeŭ — 8100
- Milinkievič — 8000
- Karatkievič — 7800
- Kołas — 7300
- Bykaŭ — 7000
- Labiedźka — 6200
- Paźniak — 6100
- Aleksijevič — 6000
- Bialacki — 6000
Siarod zamiežnikaŭ lidzirujuć Pucin (44 tysiačy) i Zialenski (10 tysiač). Paśla iduć Parašenka i Mierkiel (pa 5 tysiač).
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary