Грамадства2020

Людзі разбіваюць адзін аднаму галовы. З-за велізарнай чаргі на польска-беларускай мяжы ўзнікаюць канфлікты

Жахлівая сітуацыя склалася на польскім баку пераходу Цярэспаль — Брэст. З-за таго, што чарга аўтамабіляў у напрамку Беларусі перавышае ўсе межы, людзі на нервах.

Некаторыя спрабуюць купіць сабе месца бліжэй і робяць спробу ўклініцца ў чаргу. З-за такіх перасоўванняў і ўзнікаюць канфлікты. Цэны на такую паслугу ўзляцелі — могуць папрасіць і 100 даляраў, хоць звычайна такса меншая, піша «Віртуальны Брэст».

Натуральна, знаходзяцца і тыя, хто адстойвае сваё месца і нікога не прапускае. Людзі выходзяць на дарогу і блакуюць праезд для тых, хто хоча уклініцца, пры гэтым узнікаюць бойкі.

Хтосьці спрабуе прасіць-маліць, ціснучы на слёзы: то дзеці малыя, то страхоўка канчаецца, то дзясяткі іншых прычын.

Але людзі, якія выстаялі па 20 гадзін, ужо нікога не слухаюць і нічому не вераць. 

У месенджарах таксама кіпяць слоўныя баталіі: прадаўцы чаргі супраць сумленных стаяльцаў. Сітуацыя пагаршаецца, ужо ноч, паліцыя калі і прыязджае, то ненадоўга. Шмат хто ў шоку ад таго, што адбываецца. Вось тыповая скарга:

— Прапанавала пусціць тых, хто з дзіцем. Пусціла бус з дзіцем. Бус з дзіцем пачаў усіх прапускаць. Перад цэнтрам дзве машыны прапусцілі. Паліцыя прыехала і выгнала. Так бус не супакоіўся і ўсё роўна пусціў яшчэ 7 машын. Вось так пускаць з дзецьмі. А мы іх шкадуем.

— Вы мне прабачце! Што за трызненне, пусціце бедных з дзіцем?! Што вы лезеце з гэтым дзіцём у такую чаргу?! Адзінкі едуць з лячэння, а астатнія вязуць дзяцей, каб тавар узяць! Я сама маці дваіх дзяцей і ніколі ў жыцці не вазьму іх у Польшчу ў такую чаргу! Так што людзі, не трэба шкадаваць, хай едуць як усе! Вельмі хітра зробленыя, ні сораму ні сумлення, дзецьмі зарабляць, а потым яшчэ 10 машын ўпусціць за грошы.

За тое, каб праціснуць аўтамабіль бліжэй да пераходу, бяруць немалыя грошы.

Такіх ахвотных адлоўліваюць, штрафуюць, але ўсё роўна іх менш не становіцца. На нашым баку звычайна ў крытычнай сітуацыі дзяжурыць нарад ДАІ.

На польскай паліцыя прыязджае толькі на выклікі. З аўтобусамі ўсё нармальна — чарга таксама вялікая, але там хоць ніхто нікуды наперад не спрабуе пралезці, усе стаяць як мае быць. Там іншая праблема — перавозчыкі паднялі кошты на квіткі.

На фота ніжэй хвост чаргі: ён да вечара быў ужо за запраўку, такой вялікай колькасці аўтамабіляў даўно не было.

Народ вярнуўся ў Беларусь на святы, або напярэдадні святаў, усе спяшаюцца вярнуцца дадому, а можа быць, і прывезці нешта з пакупак.

Каментары20

  • Gid
    21.12.2023
    Если бы средний беларус ценил демократию так же, как закупы в Европе, то и диктатуры уже бы давно не было.
  • Цирк
    21.12.2023
    Ябатек не жаль, потому что нормальному беларусу сейчас не добыть Шенген-визу.
  • Объективный
    21.12.2023
    Ну вот и вся европейскость белорусов, о которой так любят кричать белорусские националисты. Даже, казалось бы, при таких пустяковых ситуациях, у людей начинают просыпаться животные инстинкты и куда-то девается шляхецкая годнасць, еўрапейскасць, которой у них, кстати, и не было, но которую пропагандируют среди них националисты. 

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

У Мінску пачалі будаваць аўтадарогу з Калодзішчаў у Калодзішчы

У Нацбанку растлумачылі прычыны тэхнічнага збою, які адбыўся з карткамі4

Не думайце, што гэта капейкі!4

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць