Майстар-клас па вырабе навагодніх цацак праходзіць у сядзібе Ваньковічаў
У музеі «Дом Ваньковічаў. Культура і мастацтва першай паловы XIX ст.» у Мінску праходзіць тэматычная праграма «Каляды ў Ваньковічаў» з майстар-класам па вырабе навагодніх цацак.
— Вас чакае знаёмства з традыцыямі святкавання Калядаў у шляхецкай сядзібе XIX стагоддзя. Вам прадставіцца магчымасць стварыць чароўную навагоднюю атмасферу для сябе і вашых блізкіх, акунуцца ў цёплае хатняе асяроддзе, і, выкарыстоўваючы толькі натуральныя матэрыялы, вырабіць уласнымі рукамі навагоднія елачныя цацкі ў выглядзе дэкупажу, антуражных галінак, шышак з капялюшыкамі і банцікамі, вяночкаў ці зорак. Гэты майстар-клас зацікавіць як дзяцей, так і дарослых, — падзялілася са «Звяздой» навуковы супрацоўнік музея Яна Казлоўская.
Бліжэй да Калядаў наведвальнікі ўбачаць розныя люстры, кандэлябры, жырандолі і алейную лямпу першай паловы XIX стагоддзя, пазнаёмяцца з гісторыяй выкарыстання свечак у шляхецкай сядзібе.
У час праграмы наведвальнікі змогуць паўдзельнічаць у майстар-класе па вырабе свечак з натуральнага воску і атрымаць незвычайны падарунак.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары