Затрымалі маці дарадцы Ціханоўскай па моладзевай палітыцы і студэнцтве Маргарыты Ворыхавай
Да Інэсы Ворыхавай на працу прыехаў АМАП — пасля гэтага сувязь з жанчынай знікла, піша «Вясна».
Затрыманне адбылося сёння раніцай у Наваполацку.
У чым жанчыну абвінавачваюць — невядома.
Маргарыта Ворыхава была прызначана Святланай Ціханоўскай дарадцай па моладзевай палітыцы і студэнцтве 6 жніўня 2023 года.
Ворыхава — кіраўніца арганізацыі «Рада», раней яна прадстаўляла Беларусь у Кантактнай групе Рады Еўропы і ў Кансультатыўнай групе ў Еўрасаюзе.
Тэндэнцыя помсціць сваякам палітычных апанентаў усё больш пашыраецца. Сёння таксама затрымалі бацьку Аляксея Трубкіна (сам актывіст не жыве ў Беларусі з 2006 года). Раней затрымлівалі бацьку пісьменніка Сашы Філіпенкі, па крымінальнай справе сядзіць сын палітыка Анатоля Лябедзькі, прыходзілі да сваякоў добраахвотнікаў, што ваююць ва Украіне.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары