У фільме Джоні Дэпа «Модзі», прысвечаным Амадэю Мадыльяні, жывапісца з Беларусі сыграў ірландскі акцёр Раян Мак-Парланд.
Для маладога Мак-Парланда роля стане, напэўна, адной з самых значных на гэты момант у кар'еры. Хоць ён ужо здымаўся у фэнтэзі «Страшныя казкі», у серыяле Halo і гэтак далей.
«Модзі» — біяграфічная драма пра італьянскага мастака і скульптара Амедэа Мадыльяні, якая павінна выйсці на экраны ў хуткім часе. Здымкі ўжо завершаны, піша сайт «Беларусь і свет».
Стужка апавядае пра два дні з жыцця экспрэсіяніста, якія сталі для яго паваротнымі. Перажываючы крызіс, Мадыльяні хоча скончыць кар'еру, сябры ж і калегі спрабуюць адгаварыць яго.
Рэжысёрам карціны выступае Джоні Дэп, сцэнар напісалі Ежы і Мэры Крамалоўскі па п'есе Дэніса Макінтайра. У галоўнай ролі заняты Рыкарда Скамарча.
Пейзажыста Марыса Утрыло сыграў Бруна Гуэры, пісьменніцу Беатрыс Гасцінгс — Антонія Дэспла, паэта і прамоўтара культуры, мецэната Леапольда Збароўскага — Стывен Грэм, калекцыянера Марыса Ганья — Аль Пачына.
На сёння самы вядомы фільм пра італьянскага мастака — гэта «Мадыльяні» Міка Дэвіса 2004 года, дзе галоўную ролю сыграў Эндзі Гарсія.
Фільм распавядае пра апошні год жыцця мастака ў паваенным Парыжы ў 1919 годзе і яго няшчаснае каханне да мастачкі Жанны Эбютэрн. Хаіма Суціна — сабутэльніка і сябра Амадэя Мадыяльні — сыграў у тым фільме Стэфан Рымкус.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары