Трое выхадцаў з Беларусі загінулі ў Ізраілі, яшчэ адзін беларус прапаў без вестак — МЗС
Трое выхадцаў з Беларусі загінулі ў Ізраілі. Аб гэтым заявіў журналістам Надзвычайны і Паўнамоцны Пасол Беларусі ў Ізраілі Яўген Вараб'ёў, перадае БЕЛТА.
«На жаль, вымушаны паведаміць новую інфармацыю: устаноўлена, што пры трагічных абставінах загінулі трое выхадцаў з нашай краіны», — сказаў пасол.
Яшчэ адзін з грамадзян Беларусі лічыцца ў спісе зніклых. «Яго лёс не ўстаноўлены. Ва ўзаемадзеянні з Інтэрпалам і ізраільскімі сілавымі ведамствамі мы працуем над высвятленнем яго лёсу». і ад усёй душы спадзяемся на лепшае», — паведаміў дыпламат.
Імёнаў пасол не назваў.
Паводле яго, за апошнія дні па тэлефонах экстраннай сувязі ў беларускую амбасаду звярнуліся больш за 500 чалавек.
Раней стала вядома, што Віталь Карасік, ураджэнец Магілёва, загінуў у выніку атакі байцоў ХАМАС на памежныя раёны на поўдні габрэйскай дзяржавы. 11 кастрычніка таксама стала вядома пра гібель 25-гадовай ураджэнкі Рэчыцы Алены Астапенка, якая служыла ў паліцыі і загінула ў баі з баевікамі ХАМАС.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары