А гэта больш за 300 тысяч еўра.
Венгерскі навуковец Ферэнц Краўш з Інстытута Планка (Нямеччына), абвешчаны адным з трох лаўрэатаў Нобелеўскай прэміі па фізіцы ў 2023 годзе, мае намер перадаць сваю частку ўзнагароды ахвярам вайны ва Украіне, паведамляе Portfolio.
З двума калегамі — П'ерам Агасціні (універсітэт Агаё, ЗША) і Эн Л'Юлье (Лундскі ўніверсітэт, Швецыя) — даследчык падзеліць 11 млн шведскіх крон (амаль €947 тыс.).
Агасціні, Краўш і Л'Юлье атрымалі прэмію за стварэнне метадаў вывучэння дынамікі электронаў у рэчыве.
Пасля атрымання Нобелеўскай прэміі Краўш даў інтэрв'ю радыёстанцыі Deutschlandfunk, у якім заявіў, што перадасць сваю долю ў заснаваную ім паўтара года таму асацыяцыю Science4People.
Яе мэта — аб'яднаць людзей са свету навукі для аказання дапамогі пацярпелым ад вайны ва Украіне, гаворыцца ў артыкуле. Як паведамляецца на сайце арганізацыі, яна дапамагае дзецям, якія страцілі свае дамы на ўсходзе Украіны і эвакуяваныя на захад краіны.
Сёння будзе названы нобелеўскі лаўрэат па літаратуры (14:00 па Мінску).
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары