«Можа выклікаць зайздрасць у бывалых вязняў». У палітвязня Дзяніса Івашына забралі два ружанцы
Пра тое, што некалькі ружанцаў у палітзняволенага журналіста Дзяніса Івашына забралі, стала вядома ў жніўні.
Аказалася, два ружанцы забралі ў турме №1 Гродна. Першы забралі падчас ператрусу ў камеры — без тлумачэнняў, паведамляе тэлеграм-канал «Право імеют».
Дзяніс паскардзіўся на гэта і запатрабаваў вярнуць яго.
«Пасля скаргі Дзяніса і патрабавання вярнуць яму рэч дзеля малітваў турэмны псіхолаг няўцямна мармытаў нешта пра тое, што гэтая рэч падобная да той, якой карыстаюцца бывалыя «зэкі», што наяўнасць ружанца ў Дзяніса можа выклікаць… зайздрасць у іншых вязняў, што можа справакаваць канфлікты. Цікава, а для чаго тады існуюць розныя псіхолагі ды ахоўнікі ў такіх установах? Выглядае, што пытанне ёсць рытарычным, а адгаворкі адміністрацыі турмы №1 — смешнымі», — напісала жонка палітзняволенага Вольга Івашына.
Ружанец вярнулі сям’і пасля пераводу Дзяніса ў Магілёў. Але Івашын зноў вярнуўся ў Гродна, каб пачуць рашэнне Вярхоўнага суда па яго апеляцыйнай скарзе. Тады канваіры этапу забралі ў яго другі ружанец. Яго не вярнулі нават блізкім. Лёс яго невядомы.
Дзяніса Івашына затрымалі 12 сакавіка 2021 года. У жніўні 2022 года яго асудзілі да 13 гадоў і 1 месяца калоніі ва ўмовах узмоцненага рэжыму. Яго прызналі вінаватым у «здрадзе дзяржаве».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары
Чаму бедарускія "псіхолагі" такія тупыя?
Успомніце "псіхолага" бягухі Ціманоўскай. Якую бздуру ён ляпятаў