Перахрысцілася і скрала. У Ленінградскай вобласці з храма выкралі мошчы
У Кіраўску Ленінградскай вобласці выкралі мошчы Святога Мікалая Цудатворца. Выглядае так, што выкраданне было спланавана, піша «База».
Сёння раніцай да храма ў Кіраўску пад'ехала машына, з яе выйшла жанчына ў хустцы.
Яна зайшла ў будынак і папрасіла вынесці мошчы Святога Мікалая Цудатворца. Нічога дзіўнага ў гэтым не было: у царкве ляжыць некалькі розных мошчаў, і прыхаджане часам просяць вынесці іх для малітвы, піша канал.
Калі мошчы вынеслі, жанчына памалілася, перахрысцілася, а затым забрала мошчы, села ў машыну і зʼехала.
Паводле слоў відавочцаў, яна была пасажыркай — аўтамабілем кіраваў нехта іншы.
Каментары