У Вільні прайшоў «пляжны» канцэрт J:Морс. Паглядзіце, як гэта было ШМАТ ФОТА
Акустычны канцэрт гурта J:Морс адбыўся ў чацвер, 10 жніўня, у віленскім клубе Paviljonas. Клуб быў не тое каб набіты бітком, але з улікам сядзячага ці, як назваў яго лідар гурта Уладзімір Пугач, «пляжнага» фармату канцэрта вольных месцаў таксама практычна не было. Сядзелі гледачы сапраўды, як на пляжы, не на крэслах, а проста на падлозе, піша «Будзьма».
На пачатку канцэрта музыкі гралі ў асноўным адносна новыя песні. Амаль усе яны так ці інакш перагукваюцца з падзеямі 2020-га года, нават калі прысвечаныя чарговай гадавіне Чарнобыльскай катастрофы. Для J:Морс гэтая тэма такая ж асабістая і балючая, як і для большасці наведвальнікаў канцэрта. Па словах Пугача, у Беларусі ён не быў ужо паўтара года.
Выканаўшы новыя песні (і анансаваўшы неўзабаве выхад новага альбома, над якім гурт якраз цяпер працуе), «морсы» перайшлі да правераных часам хітоў, якіх шмат назапасілі за 24-гадовую гісторыю калектыву.
У канцы амаль двухгадзіннага выступу Пугач паспрабаваў абысціся без традыцыйнага вяртання на біс, сказаўшы, што ў клубе няма грымёркі і няма куды адыходзіць, і прапанаваў проста зайграць песню на біс, нікуды не адыходзячы. Але ж выкруціцца не атрымалася: пасля некалькіх хвілін бесперапынных апладысментаў музыкі вымушаныя былі вярнуцца на сцэну і выканаць яшчэ адну кампазіцыю.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
што - не могуць стаяць?