У выніку атакі марскіх беспілотнікаў увечары 4 жніўня ў Керчанскай пратоцы пашкоджаны расійскі танкер-хімавоз «SIG», на дапамогу танкеру адправіліся ратавальнікі з Новарасійска.
The Moscow Times піша, што ў выніку атакі марскімі беспілотнікамі ў Керчанскай пратоцы мог быць пашкоджаны расійскі танкер-хімавоз SIG, які прыйшоў з Турцыі.
Выданне таксама апублікавала аўдыязапіс тэлеграм-канала «Асцярожна, навіны», на якім, як сцвярджаецца, зафіксаваныя перамовы маракоў расійскага танкера, які быў пашкоджаны ўкраінскім беспілотнікам.
На запісе экіпаж кажа, што судна знаходзіцца на плаву, але самастойна перамяшчацца не можа.
Адзначаецца, што расійскі танкер-хімавоз «SIG» дастаўляў авіяцыйнае паліва з Крыма ў Сірыю, за што ЗША ў 2019 годзе ўнеслі яго ў санкцыйныя спісы.
Пасля ТАСС са спасылкай на марскі выратавальны падцэнтр Тамані паведаміла, што група ратавальнікаў адправілася з горада Новарасійска ў раён Керчанскага праліва, дзе адбылася атака беспілотніка на танкер.
Выданне дадало, што ў марскім выратавальна-каардынацыйным цэнтры Новарасійска пацвердзілі інфармацыю аб групе ратавальнікаў, якая адправілася ў раён праліва.
Пазней ТАСС са спасылкай на марскі выратавальны цэнтр таксама паведаміла, што расійскі танкер атрымаў пашкоджанні падчас атакі з боку УСУ, экіпаж знаходзіцца ў бяспецы.
«Два буксіры прыбылі да месца надзвычайнага здарэння з танкерам у Керчанскай пратоцы, вырашаецца пытанне аб буксіроўцы судна», — дадало выданне.
Расійскі Telegram-канал «Baza» апублікаваў фатаграфіі знутры пашкоджанага танкера.
Паводле папярэдніх даных канала, судна знаходзілася прыкладна за 30 міляў ад берага, удар беспілотніка прыйшоўся на маторны адсек і помпавае аддзяленне.
«На танкеры знаходзіцца 11 чалавек. У большасці з іх раны ад разбітага шкла», — паведаміў канал.
Пазней паведамілі, што параненых няма.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары