U vyniku ataki marskich bieśpiłotnikaŭ uviečary 4 žniŭnia ŭ Kierčanskaj pratocy paškodžany rasijski tankier-chimavoz «SIG», na dapamohu tankieru adpravilisia ratavalniki z Novarasijska.
The Moscow Times piša, što ŭ vyniku ataki marskimi bieśpiłotnikami ŭ Kierčanskaj pratocy moh być paškodžany rasijski tankier-chimavoz SIG, jaki pryjšoŭ z Turcyi.
Vydańnie taksama apublikavała aŭdyjazapis telehram-kanała «Aściarožna, naviny», na jakim, jak śćviardžajecca, zafiksavanyja pieramovy marakoŭ rasijskaha tankiera, jaki byŭ paškodžany ŭkrainskim bieśpiłotnikam.
Na zapisie ekipaž kaža, što sudna znachodzicca na płavu, ale samastojna pieramiaščacca nie moža.
Adznačajecca, što rasijski tankier-chimavoz «SIG» dastaŭlaŭ avijacyjnaje paliva z Kryma ŭ Siryju, za što ZŠA ŭ 2019 hodzie ŭnieśli jaho ŭ sankcyjnyja śpisy.
Paśla TASS sa spasyłkaj na marski vyratavalny padcentr Tamani paviedamiła, što hrupa ratavalnikaŭ adpraviłasia z horada Novarasijska ŭ rajon Kierčanskaha praliva, dzie adbyłasia ataka bieśpiłotnika na tankier.
Vydańnie dadało, što ŭ marskim vyratavalna-kaardynacyjnym centry Novarasijska paćvierdzili infarmacyju ab hrupie ratavalnikaŭ, jakaja adpraviłasia ŭ rajon praliva.
Paźniej TASS sa spasyłkaj na marski vyratavalny centr taksama paviedamiła, što rasijski tankier atrymaŭ paškodžańni padčas ataki z boku USU, ekipaž znachodzicca ŭ biaśpiecy.
«Dva buksiry prybyli da miesca nadzvyčajnaha zdareńnia z tankieram u Kierčanskaj pratocy, vyrašajecca pytańnie ab buksiroŭcy sudna», — dadało vydańnie.
Rasijski Telegram-kanał «Baza» apublikavaŭ fatahrafii znutry paškodžanaha tankiera.
Pavodle papiarednich danych kanała, sudna znachodziłasia prykładna za 30 milaŭ ad bieraha, udar bieśpiłotnika pryjšoŭsia na matorny adsiek i pompavaje adździaleńnie.
«Na tankiery znachodzicca 11 čałaviek. U bolšaści ź ich rany ad raźbitaha škła», — paviedamiŭ kanał.
Paźniej paviedamili, što paranienych niama.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyja9
Kamientary