Шведская экаактывістка Грэта Тунберг у чацвер прыехала ва Украіну. Яна з'яўляецца членам Міжнароднай рабочай групы па экалагічных наступствах вайны ва Украіне і падчас візіту ў Кіеў удзельнічала ў абмеркаванні наступстваў падрыву Расіяй Кахоўскай гідраэлектрастанцыі, піша «Еўрапейская праўда».
Сярод іншага Грэта Тунберг сустрэлася з прэзідэнтам Украіны Уладзімірам Зяленскім. Ён расказаў ёй пра наступствы падрыву плаціны Кахоўскай ГЭС, пра шкоду, нанесеную мясцовым жыхарам, а таксама аграрнай сферы і біяразнастайнасці гэтага рэгіёна.
Тунберг падзякавала Зяленскаму за запрашэнне наведаць краіну і падкрэсліла, што «будзе прыцягваць прадстаўнікоў экалагічных грамадскіх арганізацый да дыялогу адносна асноўных задач Міжнароднай рабочай групы і прыцягнення ўвагі да экалагічных наступстваў вайны».
Акрамя шведскай актывісткі, якая толькі ў гэтым годзе скончыла школу, у гэтую групу ўваходзяць экс-віцэ-прэм'ер-міністр Швецыі Маргат Вальстрэм, віцэ-прэзідэнт Еўрапарламента Хайдзі Хаўтала і экс-прэзідэнт Ірландыі Мэры Робінсан.
Грэта Тунберг стала вядомай у 2018 годзе, калі пачала кожную пятніцу, седзячы пад сценамі шведскага парламента, патрабаваць ухвалення дзеянняў па абароне клімату. Пачатыя дзяўчынай школьныя страйкі — Fridays for Future — сталі глабальным рухам.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
если она уже настолько за экологию, то пусть разденется
и позирует голой