Грамадства55

Былая доктарка з калоніі, дзе загубілі Вітольда Ашурка, пайшла на павышэнне

На мінулым тыдні мы пісалі, што начальніца медыцынскай часці, якая працавала ў шклоўскай калоніі на момант смерці Ашурка, звольнілася адтуль месяц таму. Пра тое, што з ёй сталася далей, было невядома, а цяпер пра тое дазналася «Люстэрка».

Крыніца выдання, знаёмая з сітуацыяй, распавяла «Люстэрку», што Наталля Дабрадзеравец пайшла на павышэнне і цяпер працуе ў ЛПП № 7 у Магілёве:

«У Шклове была начальніцай медыцынскай часці — у Магілёве яна намесніца начальніка ўстановы па лячэбна-прафілактычнай рабоце. Там была маёрам — тут падпалкоўнік. Гэта ні з чым не звязана, яна проста пайшла на павышэнне».

У ЛПП №7, куды журналістка «Люстэрка» патэлефанавала як жыхарка горада, пацвердзілі, што Наталля Дабрадзеравец там працуе: «Яна кожны дзень на службе, з 8 да 17».

Суразмоўца «Люстэрка» ахарактарызаваў былога шклоўскага начмеда як «пісьменнага» медыка, патлумачыўшы, што «на такія пасады не бяруць людзей проста так».

«Яна добры чалавек, сумленны. І спецыяліст талковы. Такія вось абставіны склаліся там», — дадаў суразмовец, маючы на ўвазе смерць палітвязня.

Раней «Альянс расследавальнікаў Беларусі» апублікаваў запіс тэлефоннай размовы Наталлі Дабрадзеравец з палкоўнікам міліцыі Аляксандрам Казловым ад 2021 года, у якім тагачасная начмед шклоўскай калоніі ў паніцы моліць палкоўніка Казлова перавесці яе разам з мужам на іншае месца службы (зыходзячы з кантэксту размовы, жанчына просіць прыняць яе ў Дэпартамент фінансаў і тылу МУС Беларусі на пасаду начальніцы медыцынскага аддзела).

У якасці асноўнай прычыны свайго жадання перавесціся са Шклова Наталля Дабрадзеравец называе «сапраўдную недарэчнасць, якая адбылася з гэтым палітвязнем», маючы на ўвазе смерць Вітольда Ашурка. Тым не менш яна праслужыла там яшчэ амаль два гады, а муж, здаецца, служыць і дагэтуль. 

Каментары5

  • Тромб
    21.06.2023
    Сами живут в страхе от того что делают страх.
  • Кастусь
    21.06.2023
    Пра "сапраўдную недарэчнасць" у яе абавязкова будзе магчымасць распавесці на сумленным судзе па факту забойства Вітольда Ашурка. Пытанне толькі ў тым, ў якім працэсуальным статусе.
  • Своих не бросают
    22.06.2023
    Лукашисты своих не бросают.
    Хотя, строить карьеру на убийствах, пытках, издевательствах, лжи - такое занятие.
    Дети и внуки рассчитаются, за мам и бабушек, своим здоровьем и неустроенностью своей жизни.

Цяпер чытаюць

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў10

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў

Усе навіны →
Усе навіны

Прапагандысцкі тэлеграм-канал згадаў, як памерлы прэс-сакратар МНС Віталь Навіцкі аддана працаваў на іх11

Міністр па надзвычайных сітуацыях расказаў, як пазнаёміўся з жонкай2

«А дзе мае дакументы? Дзе пашпарт Ціханоўскага? Ці вырашылі вось так выкінуць?»14

У Польшчы ў дзясятках гарадоў прайшлі дэманстрацыі супраць міграцыі16

Сям'я мінскага рабочага 100 гадоў захоўвала кавалачак хлеба з памятнага абеду5

Самы паспяховы блогер-садавод Брэста перарабіў стары фургон у дачны домік ВІДЭА2

Чыноўнікі публічна прызналі, што бульбы ў крамах не хапіла з-за рэгулявання цэн5

Былы вядучы БТ, які звольніўся ў 2020-м і выехаў у Славакію, расказаў, як жыве цяпер5

У ЕС і ЗША паўтара года на падрыхтоўку да вайны з Кітаем і Расіяй — галоўнакамандуючы аб'яднанымі сіламі НАТА ў Еўропе10

больш чытаных навін
больш лайканых навін

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў10

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў

Галоўнае
Усе навіны →

Заўвага:

 

 

 

 

Закрыць Паведаміць