Byłaja doktarka z kałonii, dzie zahubili Vitolda Ašurka, pajšła na pavyšeńnie
Na minułym tydni my pisali, što načalnica miedycynskaj čaści, jakaja pracavała ŭ škłoŭskaj kałonii na momant śmierci Ašurka, zvolniłasia adtul miesiac tamu. Pra toje, što ź joj stałasia dalej, było nieviadoma, a ciapier pra toje daznałasia «Lusterka».
Krynica vydańnia, znajomaja ź situacyjaj, raspaviała «Lusterku», što Natalla Dabradzieraviec pajšła na pavyšeńnie i ciapier pracuje ŭ ŁPP № 7 u Mahilovie:
«U Škłovie była načalnicaj miedycynskaj čaści — u Mahilovie jana namieśnica načalnika ŭstanovy pa lačebna-prafiłaktyčnaj rabocie. Tam była majoram — tut padpałkoŭnik. Heta ni z čym nie źviazana, jana prosta pajšła na pavyšeńnie».
U ŁPP №7, kudy žurnalistka «Lusterka» patelefanavała jak žycharka horada, paćvierdzili, što Natalla Dabradzieraviec tam pracuje: «Jana kožny dzień na słužbie, z 8 da 17».
Surazmoŭca «Lusterka» acharaktaryzavaŭ byłoha škłoŭskaha načmieda jak «piśmiennaha» miedyka, patłumačyŭšy, što «na takija pasady nie biaruć ludziej prosta tak».
«Jana dobry čałaviek, sumlenny. I śpiecyjalist tałkovy. Takija voś abstaviny skłalisia tam», — dadaŭ surazmoviec, majučy na ŭvazie śmierć palitviaźnia.
Raniej «Aljans rasśledavalnikaŭ Biełarusi» apublikavaŭ zapis telefonnaj razmovy Natalli Dabradzieraviec z pałkoŭnikam milicyi Alaksandram Kazłovym ad 2021 hoda, u jakim tahačasnaja načmied škłoŭskaj kałonii ŭ panicy molić pałkoŭnika Kazłova pieravieści jaje razam z mužam na inšaje miesca słužby (zychodziačy z kantekstu razmovy, žančyna prosić pryniać jaje ŭ Departamient finansaŭ i tyłu MUS Biełarusi na pasadu načalnicy miedycynskaha adździeła).
U jakaści asnoŭnaj pryčyny svajho žadańnia pieravieścisia sa Škłova Natalla Dabradzieraviec nazyvaje «sapraŭdnuju niedarečnaść, jakaja adbyłasia z hetym palitviaźniem», majučy na ŭvazie śmierć Vitolda Ašurka. Tym nie mienš jana prasłužyła tam jašče amal dva hady, a muž, zdajecca, słužyć i dahetul.
«Hetaja situacyja moža pahražać mnie poŭnym p***com». Doktarka škłoŭskaj kałonii, dzie pamior Ašurak, u panicy chacieła zvolnicca
Kolki palitviaźniaŭ pamierła ci źviało rachunki z žyćciom praź nievynosnyja ŭmovy za kratami
«Prapanujuć schiemu». Jak u PK-17 z palitviaźniaŭ i ich svajakoŭ tajemna źbirajuć hrošy
«Što było ŭ turmie, zastajecca ŭ turmie». Viaźni i palitviaźni z «nizkim sacyjalnym statusam»? Što pra heta viadoma
Kamientary