«Некаторыя лічаць, што гэта галівудскі фільм». Зяленскі растлумачыў, чаму цяжка ідзе контрнаступ
Прэзідэнт Уладзімір Зяленскі растлумачыў, што адной з прычын запаволення наступу Узброеных сіл з'яўляецца замініраваная расійскімі акупантамі вялікая тэрыторыя.
«Некаторыя лічаць, што гэта галівудскі фільм, і чакаюць вынікаў ужо цяпер. Гэта не так», — сказаў прэзідэнт Украіны.
Паводле яго, наступ даецца нялёгка, бо 200 000 квадратных кіламетраў украінскай тэрыторыі замініравана расійскімі войскамі.
«Што б ні хацелі некаторыя, уключаючы спробы ціску на нас, з усёй павагай, мы будзем прасоўвацца на полі бою так, як лічым патрэбным», — падкрэсліў Уладзімір Зяленскі.
Перад гэтым сакратар РНБА Аляксей Данілаў заяўляў, што адным з галоўных прыярытэтаў Сіл абароны Украіны цяпер з'яўляецца перш за ўсё «артылерыйскае абяскроўленне» расійскіх акупацыйных войскаў на перадавой.
У Пентагоне, каментуючы ход наступальных аперацый Украіны, лічаць, што ўкраінскія сілы маюць неабходныя сродкі для таго, каб іх дзеянні былі паспяховымі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары