Галоўны трэнер «Барселоны» Хаві расказаў пра магчымае вяртанне Ліянэля Месі ў клуб.
«Месі прыме рашэнне на наступным тыдні. Я ведаю, што Леа дапаможа нам, калі ён вырашыць прыехаць, але ўрэшце я думаю, што мы павінны пакінуць яго крыху ў спакоі. Што тычыцца футбольнай тэмы, то гэта залежыць ад яго. Для мяне ў гэтым няма ніякіх сумневаў. Калі Леа вырашыць прыехаць, для яго будуць адчыненыя дзверы», — запэўнівае трэнер «Барсы»;
Месі гуляў за «Барселону» з дзяцінства. У 2021 годзе ён перайшоў у ПСЖ.
Учора галоўны трэнер парыжскага клуба Крыстоф Гальцье заявіў, што матч апошняга тура чэмпіянату Францыі супраць «Клермона» стане апошнім для аргенцінца ў складзе клуба. Праўда, затым кіраўніцтва ПСЖ паправіла Гальцье, што ён няправільна выказаўся: матч стане апошнім у сезоне. Але французскія медыя пішуць, што сыход чэмпіёна свету справа вырашаная.
Таксама сёння стала вядома, што «Інтэр» Маямі зрабіў прапанову Месі.
Амерыканскі клуб прапануе аргенцінцу кантракт на чатыры гады з заробкам у 50 мільёнаў еўра ў год. Гэта не самая вялікая прапанова: «Аль-Хілаль» гатовы плаціць яму 500 мільёнаў у год, што зробіць Месі самым высокааплатным футбалістам свету.
Бяда толькі ў тым, што фларыдскі «Інтэр» ідзе на апошнім месцы ва Усходняй канферэнцыі, прайграўшы чатыры апошнія матчы запар.
Цяпер чытаюць
Сёстры Груздзевы цяпер важаць пад 100 кілаграмаў кожная19
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары