Гары і Мэган ледзь не разбіліся: дзве гадзіны за іх таксі гналіся фатографы
Афіцыйны прадстаўнік прынца Гары і яго жонкі Мэган паведаміў, што яны ледзь не разбіліся, пакуль на працягу дзвюх гадзін іх машыну праследавалі фатографы-папарацы. Інцыдэнт адбыўся ў Нью-Ёрку.
Як удакладніў прадстаўнік, інцыдэнт адбыўся ў Нью-Ёрку, пасля наведвання парай дабрачыннага вечара, дзе Мэган атрымлівала ўзнагароду за сваю працу ад Ms Foundation Women of Vision, піша Бі-бі-сі.
Неўзабаве ў сацыяльных сетках з'явіліся фатаграфіі Гары, Мэган і яе маці Дорыі Рэгланд, якія ехалі ў таксі.
«Пазаўчора ўвечары герцаг і герцагіня Сасэкскія [тытулы Мэган і Гары] ледзь не разбіліся падчас аўтамабільнай пагоні з удзелам групы вельмі агрэсіўных папарацы, — сказана ў заяве пары. — Пагоня, якая працягвалася больш за дзве гадзіны, прывяла да мноства сітуацый, калі ледзь не адбыліся сутыкненні з іншымі кіроўцамі, пешаходамі і двума афіцэрамі нью-ёркскай паліцыі».
Праз пару гадзін скандальную заяву — са значна меншым, зрэшты, драматызмам — пракаментавалі ў Дэпартаменце паліцыі Нью-Ёрка.
Як сцвярджаецца ў апублікаванай заяве гэтага ведамства, «камандзе прыватнай аховы, якая суправаджала герцага і герцагіню Сасэкскіх», давялося звярнуцца па дапамогу да паліцэйскіх, паколькі фатографы, якія праследавалі таксі, «ускладнялі іх транспарціроўку». [У цяперашні час] «герцаг і герцагіня Сасэкскія ўжо прыбылі ў пункт прызначэння. Ніякіх паведамленняў аб сутыкненнях, выкліках паліцыі або атрыманых траўмах, якія адбыліся падчас пераследу, не паступала. Звязаных з гэтым інцыдэнтам затрыманняў таксама не было».
Раней паведамлялася, што ўдзел мужа і жонкі ў вечары дабрачыннай арганізацыі быў іх першым сумесным з'яўленнем на публіцы пасля каранацыі бацькі Гары, караля Карла III, на якую той ездзіў адзін.
«Распаўсюджванне гэтых фатаграфій — з улікам таго, якім чынам яны былі атрыманыя — прыводзіць да заахвочвання практыкі, якая ўяўляе небяспеку для ўсіх датычных бакоў і з'яўляецца ўварваннем у асабістае жыццё», — сказана ў заяве.
Прынцэса Дыяна, маці Гары і спадкаемца брытанскага трона прынца Уільяма, разбілася ў Парыжы ў жніўні 1997 года. Яна загінула ў выніку аўтакатастрофы, якая адбылася ў момант, калі яе машыну праследавала група фатографаў-папарацы.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары