Польскі МЗС пра Пачобута: Больш складана нашкодзіць таму, пра каго ведае ўвесь свет
Польская дыпламатыя мае вельмі абмежаваны кантакт з Андрэем Пачобутам, але яна робіць усё для яго вызвалення, заявіў афіцыйны прадстаўнік МЗС Лукаш Ясіна 5 мая ў эфіры радыёстанцыі RMF FM.
«Мы робім усё для яго вызвалення, але гэтага недастаткова, таму што пакуль мы не ў стане выцягнуць яго з турмы. Праз Андрэя Пачобута мы не закрываем каналы сувязі з Мінскам, шмат гаворым пра гэта на міжнародным узроўні. Больш складана нашкодзіць таму, пра каго ведае ўвесь свет, каго не забыліся ў турме», — падкрэсліў прадстаўнік польскага знешнепалітычнага ведамства.
Ён зазначыў, што вельмі абмежаваны кантакт з Пачобутам абумоўлены тым, што ён — грамадзянін Беларусі і ўлады ў гэтым плане «строга выкарыстоўваюць мясцовае заканадаўства».
Пры гэтым Ясіна падкрэсліў, што не варта занадта абнадзейвацца:
«Аддаю перавагу таму, каб аб магчымым вызваленні Пачобута было абвешчана толькі тады, калі яно адбудзецца. Таму што неабгрунтаваная надзея была б падобная да здрады Андрэю Пачобуту і нанясення шкоды яго блізкім».
Журналіста Андрэя Пачобута 8 лютага Гродзенскі абласны суд прыгаварыў да васьмі гадоў пазбаўлення волі ў калоніі ўзмоцненага рэжыму.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў32
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары