Латвія не дала візу галоўнаму трэнеру зборнай Казахстана. Прычына — яго беларускі пашпарт
Зборная Казахстана па хакеі незадоўга да чэмпіянату свету ў Рызе была вымушаная змяніць галоўнага трэнера, паколькі беларускаму спецыялісту Андрэю Скабелку было адмоўлена ў атрыманні латвійскай візы. Пра гэта ў аўторак, 25 красавіка, паведаміў кіраўнік аргкамітэта Эдгарс Бунцыс.
Арганізатары чэмпіянату свету па хакеі вырашылі адмовіць ва ўдзеле грамадзянам Расіі і Беларусі, ім не будуць выдавацца латвійскія візы для ўезду ў краіну. Але гэтае рашэнне больш за ўсё паўплывала на зборную Казахстана, галоўным трэнерам якой да 14 красавіка быў беларус Андрэй Скабелка.
У гэтым сезоне ён кіраваў базавым клубам нацыянальнай зборнай — нурсултанскім «Барысам». У візах таксама было адмоўлена яшчэ двум прадстаўнікам трэнерскага штаба і персаналу казахстанскай каманды.
14 красавіка хакейная федэрацыя Казахстана абвясціла галоўным трэнерам зборнай краіны Галыма Мамбеталіева, які ў 2018 годзе таксама ўзначальваў яе.
Чэмпіянат свету па хакеі меўся прайсці першапачаткова ў Санкт-Пецярбургу. Але пасля таго, як Расію і Беларусь выключылі з Міжнароднай федэрацыі хакея першынство пастанавілі правесці ў Рызе і Тамперэ.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары