У Літве крамам дазволяць прадаваць некаторыя прадукты, у якіх скончыўся тэрмін прыдатнасці, піша Delfi.lt. Дазвол, праўда, закране толькі прадукты з вялікім тэрмінам прыдатнасці — год і болей. У гэтую групу ўваходзяць, напрыклад, крупы, мука, цукар-пясок ці алей. І можна будзе так рабіць толькі пры ўмове, што вытворца пазначыў дату, да якой варта выкарыстоўваць прадукт.
«Мы хочам дазволіць даўжэй прадаваць тыя тавары, на якіх пазначана «лепш да». Гэта не тычыцца тых, на якіх пазначана «прыдатны да». Так і прадуктаў менш выкінем, і людзі змогуць купіць танней», — тлумачыць міністарка эканомікі Аўшрыне Арманайце.
У Літве кажуць, што раней такія прадукты перадавалі «харчоваму банку». «Значыць, маглі аддаваць іх на дабрачыннасць, але прадаваць не маглі», — адзначае прадстаўніца кампаніі Iki Вайда Будране.
У Міністэрстве эканомікі мяркуюць, што продаж пратэрмінаваных прадуктаў дапаможа змагацца з празмерным іх выдаткаваннем. У Літве штогод выкідваюць 400000 тон прадуктаў.
Разам з тым, гучаць і галасы супраць такога рашэння. Праціўнікі гэтага кроку баяцца, што такімі прадуктамі будзе лёгка атруціцца.
Зменшылі цэны на беларускія малочныя прадукты, якія пастаўляюцца за мяжу. Прытым даволі значна
Іран, ААЭ, Бразілія… Слодычы з якіх краін можна цяпер пабачыць на паліцах беларускіх крам?
«Хочаце эканомна расходаваць сямейны бюджэт — ежце, як елі нашы продкі». Так раіць выбітная кухарка, выпрабаваўшы ўсё на сабе
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно3
Каментары
Рашэнне разумнае