МЗС Літвы павіншавала з абраннем РФ кіраўніком Рады бяспекі ААН жартам аб расійскім вайсковым караблі
Міністр замежных спраў Літвы Габрыэлюс Ландсбергіс іранічна павіншаваў Расію з пачаткам старшынства ў Радзе бяспекі Арганізацыі Аб'яднаных Нацый. Пра гэта ён напісаў у твітары, паведамляе «Еўрапейская праўда».
«Віншуем Расію з пачаткам старшынства ў Радзе бяспекі ААН! З нецярпеннем чакаем энергічных дыскусій адносна прапановы Украіны аб месцы прызначэння вашых вайсковых караблёў», — гаворыцца ў паведамленні.
Congratulations Russia on assuming the Presidency of the UN Security Council! Looking forward to some energetic discussions on Ukraine's proposal for the destination of your warships.
Расія з 1 красавіка на працягу месяца будзе старшынстваваць на ратацыйнай аснове ў Радзе бяспекі ААН. У склад Рады бяспекі ўваходзяць пяць пастаянных членаў ААН, уключаючы Расію, Вялікабрытанію, Францыю, ЗША і Кітай, якія маюць права вета, а таксама 10 краін-членаў на ратацыйнай аснове.
Напярэдадні Эстонія, Латвія і Літва сумесна выступілі супраць расійскага старшынства ў Радзе бяспекі ААН. Раней на гэтым тыдні міністр замежных спраў Дзмітрый Кулеба назваў старшынства Расіі ў Радзе бяспекі «дрэнным жартам», бо яна вядзе каланіяльную вайну, а яе лідар — вайсковы злачынец, якога шукае МКС за выкраданне дзяцей.
Патапіць «Маскву»: невядомыя дэталі. Як украінскі «Няптун» знішчыў флагман расійскага флоту
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары