У беларускім архіве знайшлі запіс пра смерць маці маршала Ракасоўскага. Яна памерла нашмат раней, чым лічылася
У Нацыянальным гістарычным архіве Беларусі паведамілі, што выяўлены метрычны запіс пра смерць Антаніны Іванаўны Ракасоўскай — маці вядомага савецкага военачальніка Канстанціна Ракасоўскага.
Знойдзены дакумент дазваляе ўдакладніць некалькі істотных дэталяў.
«Раней лічылася, што Антаніна Ракасоўская памерла ў 1911 годзе, аднак у рэчаіснасці гэта адбылося значна раней — 14 (1) ліпеня 1906 года, а прычынай яе смерці ва ўзросце 53 гадоў стала вадзянка», — паведамілі ў архіве.
Запіс таксама адназначна сведчыць, што пахавалі Антаніну Ракасоўскую «на грамадскіх целяханскіх могілках».
Дакумент знайшоў інжынер-будаўнік, а цяпер пенсіянер Уладзімір Абрамчук. Раней гэты самы чалавек знайшоў дакумент, што і сам маршал Ракасоўскі нарадзіўся нібыта на радзіме маці (у дзявоцтве Антаніны Аўсяннікавай) — у мястэчку Целяханы Пінскага павета Мінскай губерні (сёння Івацэвіцкі раён).
Праўда, адносна таго, што ў тым выпадку ідзе гаворка менавіта пра будучага маршала, можна сумнявацца, бо год нараджэння таго хлопчыка (1889) адрозніваецца ад афіцыйнай даты (1896) ажно на 7 гадоў.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары