Зяленскі пазбавіў грамадзянства палітыкаў кола Януковіча, якія маюць расійскае грамадзянства
Прэзідэнт Украіны Уладзімір Зяленскі пазбавіў украінскага грамадзянства шэраг адыёзных палітыкаў часоў Віктара Януковіча, якія маюць расійскае грамадзянства, паведамляе «Украінская праўда».
Сярод асоб, пазбаўленых украінскага грамадзянства, — экс-сакратар Рады нацыянальнай бяспекі і абароны Андрэй Клюеў, экс-міністр адукацыі Дзмітрый Табачнік, былы міністр даходаў і збораў Аляксандр Кліменка, экс-кіраўнік МУС Віталь Захарчанка, экс-кіраўнік СБУ Аляксандр Якіменка. Таксама ў спіс патрапіў цяперашні дэпутат ад апазіцыйнай платформы «За жыццё» Адэскай гарадской рады Віктар Баранскі і іншыя. Усе асобы са спіса маюць расійскае грамадзянства.
Гэтую інфармацыю пацвердзіў кіраўнік праўладнай фракцыі «Слуга народа» ў Вярхоўнай Радзе Давід Арахамія. Ён адзначыў, што Зяленскі пазбавіў грамадзянства Украіны «здраднікаў, якія былі аднымі са слупоў рэжыму Януковіча», сярод якіх Андрэй Клюеў, Дзмітрый Табачнік, Аляксандр Кліменка, Віталь Захарчанка, Аляксандр Якіменка і «менш публічныя людзі з іх палітычнай арбіты».
«Наступным крокам будзе накладанне на іх санкцый, арышт і канфіскацыя на карысць дзяржавы ўсёй іх маёмасці, карпаратыўных правоў і іншых актываў», — заявіў Арахамія.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары