Скандынаўскія прафсаюзы журналістаў абвінавацілі Міжнародную федэрацыю журналістаў (IFJ) у «карупцыйнай дзейнасці» і недэмакратычных метадах працы праз працу з журналістамі расійскіх дзяржаўных СМІ.
«Мы называем гэта карупцыйнай дзейнасцю», — цытуе агенцтва Reuters Хану Аха, кіраўніка фінскага прафсаюза журналістаў. «Мы вырашылі падаць у адстаўку разам з нарвежскім, дацкім і ісландскім саюзамі», — дадала Аха.
Паводле яе слоў, прафсаюзы скандынаўскіх краін на працягу многіх гадоў спрабавалі вырашыць праблемы ўнутры IFJ, але апошняй кропляй Аха называе пазіцыю IFJ падчас вайны Расіі супраць Украіны, калі Федэрацыя не распачала ніякіх мер супраць Саюза журналістаў Расіі за стварэнне карпунктаў на акупаваных Расіяй украінскіх тэрыторыях.
IFJ заявіла, што яе выканаўчы камітэт ініцыяваў афіцыйны працэс аб прыпыненні і выключэнні Саюза журналістаў Расіі.
Міжнародная федэрацыя журналістаў (IFJ) прадстаўляе 600000 журналістаў з 146 краін і называе сябе «глабальным голасам журналістаў», многія з якіх імкнуцца раскрыць карупцыю і правапарушэнні.
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе36
Каментары