Рэцэпт на выхадныя. Аладкі з ананасамі: незвычайная страва, дзецям спадабаецца
Ад выгляду гэтых аладак у кожнага слінькі пацякуць. А падавайце іх з марожаным — асабліва сюды пасуе марозіва з какосавым смакам.
Фота: BBC Food
Каб згатаваць аладкі з ананасамі, вам спатрэбіцца:
- 135 грамаў мукі
- 1 чайная лыжка разрыхляльніку
- дробка солі
- 1 сталовая лыжка цукру
- 125 мілілітраў малака
- 1 яйка
- 2 сталовыя лыжкі растопленага масла + яшчэ трохі для смажання
- банка кансерваваных ананасаў (парэзаных колцамі), з яе трэба зліць сок
- па жаданні: кляновы ці любы іншы сіроп для падачы
- Змяшайце ў вялікай місцы муку, разрыхляльнік, соль і цукар.
- Наліце ў асобны збан малако і растопленае масла, разбіце яйка і добра ўсё ўзбіце відэльцам.
- Уліце вадкасць у мучную сумесь і ўзбіце відэльцам да аднастайнасці.
- Растапіце ў патэльні на сярэднім агні кавалачак масла. Пакладзіце туды дзве маленькія лыжкі цеста, каб у выніку ў вас атрымаліся аладкі, крыху большыя па памеры за колца ананаса. Смажце аладкі 15 секунд, потым пакладзіце на кожную з іх па колцы ананаса.
- Калі на верхняй частцы аладкі з’явяцца бурбалкі, перавярніце яе і пячыце, пакуль аладка не набудзе залаціста-карычневы колер і таўшчыню прыкладна ў 1 сантыметр.
- Паўтарайце, пакуль не скончыцца ўсё цеста. Аладкі можна падаваць з сіропам, з марожаным ці самі па сабе.
Рэцэпт на выхадныя. Запечаныя яйкі з вяндлінай — хуткі і прыгожы сняданак
Якія глазураваныя сыркі самыя смачныя: беларускія ці замежныя? Вось што паказала дэгустацыя ўсляпую
Рэцэпт на выхадныя. Шакаладныя кексы з бураком — мяккія і смачныя
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада31
Каментары
але да іх чэсці трэба сказаць, што яны і не абяцалі дзіўны смак, а сказалі, што "Ад выгляду гэтых аладак у кожнага слінькі пацякуць." так - на фота яны апетытныя
што здарылася? атрымалі спецнабор з рабчыкамі і ананасамі да раства, пажралі нарэшце ўпершыню ў жыцці не пустую куццю і... з вас камуністычныя вершы папёрло л?